Народна банка со препораки околу исплатата на парична помош за социјална и детска заштита

Народната банка апелира до корисниците на парична помош за социјална и детска заштита кои немаат дебитни картички, да поднесат барање за изработка на вакви картички со кои ќе бидат во можност парите да ги вадат и од банкоматите.

„На тој начин, од следниот месец, паричната помош од социјална/детска заштита ќе им биде достапна без да треба да ги посетуваат филијалите и експозитурите на банките за да подигнат готовина“, велат од Народна банка.

Препорачуваат при посетата на филијалите и експозитурите, корисниците на парична помош да ги реализираат и останатите банкарски услуги за кои сметаат дека е потребно нивно физичко присуство во банката со цел да не мора неколкукратно да ја посетуваат банката во краток период.

За оние корисници на парична помош кои имаат дебитни картички се предлага да ги користат можностите за безготовинско плаќање.

Дел од препораките на Народната банка се и да се носи задолжително заштитна маска на лицето, да се почитува растојанието од најмалку два метра и да се следат насоките за задолжителна дезинфекција на рацете при влез во објектите на банките. 

„Во текот на претстојните денови, Народната банка ќе биде во интензивна комуникација со банките, заеднички настојувајќи сите активности поврзани со исплатата да се остварат на начин којшто е најсоодветен за да се заштити јавното здравје. Веруваме дека како и при готовинските исплати по групи во изминатите неколку недели, системскиот пристап, и при оваа исплата ќе ги даде очекуваните резултати“, велат од Народна банка.

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе