Агенција за супервизија на осигурување

Над 242.000 граѓани за живото осигурување вложиле над 21 милион евра

Во животно осигурување во првите девет месеци годинава граѓаните вложиле 12 отсто повеќе во споредна во споредба со истиот период лани и вложувањата достигнаа 1,32 милијарди денари или 21,5 милиони евра, а полиса за осигурување живот, заклучно со крајот на септември имаат над 242.000 граѓани, покажуваат податоците на Агенцијата за супервизија на осигурување (АСО).

„Во периодот јануари – септември петте компании за животно осигурување склучиле над 39.000 договори за осигурување. Во износот на вкупни вложувања во животно осигурување најголемо е учеството на осигурување живот во кое е вклучена и штедната компонента. Овој осигурителен продукт со полисата за осигурување живот нуди можност вложените средства за осигурување да се штедат и по истек на рокот на полисата да му бидат исплатени на осигуреникот. Во осигурување живот со штедна компонента во првите девет месеци годинава се вложени 838 милиони денари, односно 13,6 милиони евра“, информираат од АСО.

Според податоците од Агенцијата, во класичното животно осигурување кое покрива ризик смрт, во овој период, се вложени 237 милиони денари или 3,9 милиони евра.

„Овој продукт, популарно познат како ‘ризико‘ осигурување, нуди финансиски надомест за членови на семејство или блиски лица во случај осигуреникот да почине, но нема штедна компонента. Тоа значи дека вложените средства не се враќаат на осигуреникот на истек на договорот за осигурување“, појаснуваат од АСО.

„Јунит линкд“, пак, е најновата класа на нашиот осигурителен пазар за животно осигурување. Кај ова осигурување вложените средства не се штедат, туку се вложуваат во удели на инвестициски фондови кои купуваат акции и други хартии од вредност кои се тргуваат на светските берзи.

„Кај оваа класа осигурување ризикот од вложување го носи осигуреникот. Затоа и нема гарантирана осигурена сума која се исплаќа кога завршува периодот на осигурување. Тоа значи дека кога истекува рокот на договорот осигуреникот добива колку што во тој момент вредат уделите на инвестицискиот фонд во кој се вложени парите. Во првите девет месеци во овој осигурителен производ се вложени 250 милиони денари (4,1 милиони евра), а забележлив е тренд на раст на ова осигурување во вкупното животно осигурување“, додаваат од АСО.

Инаку, за првите девет месеци од годинава петте осигурителни компании по сите основи исплатиле штети во вкупна вредност од 400 милиони денари (6,5 милиони евра). Од тоа при смртни случаи на осигуреници на нивни блиски лица и членови на семејства покриени со „ризико“ осигурување се исплатени 36,3 милиони денари (590.000 евра).

Кај осигурувањата со штедна компонента се исплатени 345 милиони денари (5,6 милони евра) на осигуреници на кои им истекол договорот, го прекинале осигурувањето или биле обесштетени блиски лица на осигуреници кои починале. Кај „јунит линкд“ осигурувањето за овој период се исплатени 17,2 милиони денари (280.000 евра) штети. Во тој износ откупот, односно предвреме прекинати договори на барање на осигуреници учествува со 12,6 милиони денари или 205.000 евра.

(Насловот е на турски со причина, во превод, „писмо или револвер“.)

повеќе

Со фактот што Европа продолжува да плаќа милијарди долари за рускиот гас секој месец, таа и понатаму игра онака како што свири Кремљ, покажувајќи на тој начин дека е заробеник на сопственото задоволство.

повеќе

Грејната сезона заврши во месец април како и секоја година, но последнава беше со многу проблеми кои произлегоа од енергетската криза, од војната во Украина и генерално од светската економска криза.

повеќе