Костал на 9-то место на листата на најдобри работодавачи во Германија

Германскиот магазин „Штерн" ги објави резултатите од истражувањето „650 најдобри работодавачи во Германија". Компанијата Костал е на високото 9-то место во категоријата „Работодавачи од автомобилска индустрија и нивни добавувачи", односно на 12-то место во категоријата „Работодавачи од областа на електроника и електротехника". Костал од 2016 година е присутен во Македонија, преку своите производствени капацитети во Охрид, каде работат околу 1.000 професионалци од сите делови на државата, снабдувајќи ги најголемите производители на автомобили.

Во истражувањето, направено во соработка со “Статиста”- независен Институт за испитување на мислењето и истражување на пазарот, повеќе од 50.000 испитаници биле замолени да одговорат на повеќе од 50 прашања, во периодот од 24 јуни до 9 август 2021 година.

Меѓу споменатите прашања, едно од позначајните е и прашањето дали вработените би го препорачале својот актуелен работодавач на друг (свој пријател, близок, роднина). Имајќи го предвид периодот во кој е спроведено истражувањето,  во рамките на истото бил испитуван и аспектот - на кој начин компаниите ги менаџирале односите со своите вработени во услови на предизвици предизвикани од глобалната пандемија на ковид-19.

Меѓу клиентите на производите на технолошки напредното производство на Костеал во Охрид, се вбројуваат БМВ, Ауди, Мерцедес, Порше, Тесла, Јагуар, Ленд ровер, Фолксваген Сеат, Шкода.

 

Со францускиот предлог на патот кон ЕУ македонскиот народ ќе ја изгуби историската тапија врз сопствената свест и наследство.

повеќе

Ако пак се натури овој бесмислен консензус на Франција, кој ги признава сите емоции на Бугарија, тогаш оваа неспособна власт ќе не одведе подлабоко од сегашниот амбис.

повеќе

Во новите предлози се направени само формални, но не и суштествени промени, во однос на претходниот предлог (кој Владата го нема објавено).

повеќе