Клима уредите ја зголемија потрошувачката на струја, рекордот бил во четвртокот минатата недела

Високите температури и топлотниот бран што ја зафатија земјава ја зголемија потрошувачката на електрична енергија, главно поради зголеменото користење на клима-уредите. Најголема потрошувачка, како што информираа од ЕВН, била регистрирана во четвртокот минатата недела.

„Во јуни, од 01 јуни до 24 јуни 2021) потрошени се 321.548 MWh, што се должи на високите температури во втората половина на месецот. Најголема потрошувачка е регистрирана на 24.06.2021 (четврток) и изнесува 15.630 MWh. Четвртокот беше еден од најтоплите денови овој период, со минимални 19°С и максимални 30°С,  измерени на скопскиот Аеродром“, велат од ЕВ за МКД.мк.

За споредба лани вкупната потрошувачка на електрична енергија, во истиот период од 01.06.2020 до 24.06.2020 изнесувала 305.133 MWh. Просечната дневна потрошувачка за тој период е 12.713 MWh. Разликата се јавува заради разликата на температурите, а оваа година во втората половина на месецот имаме значително повисоки температури од лани.

Инаку, како најголемо конзумно подрачје, овој тренд го следи и скопскиот регион, кој за овој период има вкупна потрошувачка од 122.068 MWh или во просек 5.068 MWh. И во скопскиот регион најголемата потрошувачка била на 24.06.2021 (четврток) и изнесувала 6.205 MWh.

Според податоците што ги добивме од ЕВН, во мај, пак, потрошени се 420.228 MWh, а најголема потрошувачка била регистрирана на 12.05.2021 и изнесува 14.224 MWh. Тогаш биле измерени минимални 12°С и максимални 25°С. 

Минатата година вкупната потрошувачка на електрична енергија, за периодот 01.05.2020 до 31.05.2020 изнесувала 412.323 MWh, а просечната дневна потрошувачка за тој период е 13.300 MWh.

Како најголемо конзумно подрачје, овој тренд го следи и скопскиот регион, кој за овој период има вкупна потрошувачка од 160.386 MWh или во просек 5.173 MWh. Најголемата потрошувачка имало на 12.05.2021 и изнесувала 5.257 MWh.

Од ЕВН додаваат дека нема опасност од недостаток на електрична енергија бидејќи компанијата секогаш однапред ги планира капацитетите на потрошувачка за секој корисник поединечно, со дополнително усогласување со планот за сезонската потрошувачка.

„За таа цел и се набавуваат и обезбедуваат потребните капацитети на електрична енергија и како резултат оваа компанија никогаш не се соочува со недостиг од електрична енергија“, ни изјавија од ЕВН.

Tреба да ја прифатиме технологијата, наместо да се плашиме од неа, а и игрите се дел од тој процес. 

повеќе

Moжно ли е стотици кандидати за градоначалници три недели да ветуваат, а никој да не каже од каде средства за таа намена т.е. никој да не го спомене зборот децентрализација кој претставува клуч за било какво ветување?

повеќе

Капиталното дело на Танас Вражиновски „Македонска народна митологија“, упатува на потребата нашата наука постојано да се враќа на извориштата на македонската култура и писменост, создавани од светите браќа Кирил и Методиј и од нивните ученици и следбеници, светите Климент и Наум Охридски. 

повеќе