Југохром не може да работи без филтри, но инвеститорот слабо е заинтересиран

Инвеститорот има слаб интерес за изградба на неопходните филтри за работа на Југохром од Јегуновце, а комбинатот може да работи само доколку се изградат филтрите, изјави денеска премиерот Зоран Заев.

„Како Влада дадовме се, а мислам дека дадовме и малку повеќе од тоа што бараа само да се постават филтрите, но инвеститорот има слаб интерес. Ги одобривме парите од Македонска банка за поддршка на инвестициите и дефинитивно треба да се бара нов сопственик за комбинатот. Веќе информирав двајца потенцијални инвеститори, а верувам дека и другите претставници од Владата ќе информираат други за да може да дојде нов сопственик и да ја продолжи севкупната реализација на проектот”, рече Заев.

Тој додаде дека сегашниот сопственик ја почнал реализацијата на филтерот и ја поставил конструкцијата, но и најавил дека бара потенцијални инвеститори за продажба на комбинатот, а побарал тоа да го направат и од Владата.

Владата веќе одобрила кредит од 1,5 милиони евра на Југохром за изградба на филтрите, но не им ги доделила парите, бидејќи предуслов за тоа било сопственикот на комбинатот да вложи негови пари за државата да му помогне со средства од кредитот.

За доизградба на филтерот се неопходни уште три милиони евра. 

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе