Свеченост по повод обезбедување здрава вода за пиење

Јапонија и Словенија помогнаа штипскиот регион да добие модерна пречистителна станица

Капитален проект, спој на висока технологија од Словенија и иновативност од Јапонија, со вакви зборови денеска на свечениот настан беше оценето завршувањето на проектот со пречистителна станица која треба да обезбеди чиста, здрава и квалитетна вода за пиење за преку 100.000 домаќинства во општините Штип, Пробиштип, Свети Николе, Лозово и Карбинци. На настанот присуствуваа и амбасадорите на Јапонија и на Словенија, Хиронори Савада и Милан Преда, како и премиерот Зоран Заев и неколку министри од неговиот кабинет.

Филтер станицата, со капацитет од 300 литри во секунда, ќе овозможи и наводнување на 4.000 хектари земјоделска површина, како и производство на електрична енергија од 50 гигават часови. Во тек е тест периодот по кој следува првата фаза – обезбедување вода за пиење за жителите од петте општини.

За овој проект кој се реализираше во изминатите 17 месеци, Владата обезбеди шест милиони евра од Буџетот, а со поволни финансиски средства и со донации учествуваа Јапонија и Словенија.

„Штипјани ќе добиваат најквалитетна вода за пиење по сите светски стандарди. Супер модерната пречистителна станица е најголема од ваков тип во државата и во регионот. Имаме јасна волја да продолжиме со проекти кои прават суштински промени кои ги подобруваат условите за живеење преку праведна распределба на јавните финансии“, рече премиерот Зоран Заев.

„Пречистителната станица во Штип е спој на новата развојна економија и новиот дух на Владата. Граѓаните нема повеќе да се соочат со недостиг на вода за пиење, а земјоделците ќе може да ги наводнуваат површините, рече вицепремиерот Фатмир Битиќи.

Градоначалникот на Штип Сашко Николов изјави дека штипјани конечно добиваат пристап до чиста и здрава вода за пиење и дека капацитетот на новата станица за ултра-филтрација е доволен да ги задоволи потребите и во најкритичните периоди од годината.

Можеби поради еуфоријата што ја донесе туризмот - и желбата на самите жители на Грција да уживаат во одморите - пошироката јавност беше подготвена да ги толерира дневните бројки на новозаразени (во просек помеѓу 2.000 и 3.000 случаи во текот на летото). 

повеќе

Насловот асоцира и на резултатите од изборите, кои, кога ќе излезе оваа колумна, ќе бидат познати, иако најретко споменуван збор во кампањата беше зборот ДЕЦЕНТРАЛИЗАЦИЈА, кој е единствен начин за остварување на сите „големи“ ветувања што ги слушнавме изминативе две недели.

повеќе

Опонентите на академик Блаже Ристовски во Македонија го квалификуваа како националист, во белградскитe кругови  го именуваа како „бугарофил“, а во Бугарија го нарекуваа „Југословен“ и „србокомунист“. А тој си остана ист, исправен пред нападите и секогаш подготвен да им одговори на критичарите.

повеќе