Агенција за промоција на туризмот

Јаневски: Регионална соработка е неопходна за да се спаси туризмот

Во моментов регионот може да се спаси само доколку сите држави од западен Балкан се држат заедно и настапуваат синхронизирано, се согласија директорот на АППТ Љупчо Јаневски и Марија Петровиќ, амбасадорката на Република Црна Гора во Македонија.

На вчерашната средба се актуелизираше идејата за соработка на земјите од т.н мал шенген, каде туристите од западен Балкан би се движеле слободно со полиберални протоколи на влез и излез од државите, но задолжително да се изготви протокол помеѓу државите каде точно ќе биде наведено како ќе се одвива патувањето. За време на средбата се резимира досегашните импликации предизвикани од пандемија на ковид 19 врз туризмот во целиот регион, но се даде фокус на можните сценарија во иднина,односно, она на кое во моментот ќе бидат фокусирани двете држави е домашниот туризам, промоција на рурални дестинации, еко-туризам, авантуристички туризам, гастрономија и други форми на алтернативен туризам, кои би ги привлекле како домашните, така и туристите од регионот.

Воедно, двете страни ја потенцираа важноста на сигурноста и безбедноста на туристите дека дестинациите во кои патуваат се безбедни. Двете земји ќе продолжат да работат на одржлив туризам, екокампови и еко сместување, а селективните форми на туризам ќе овозможат константна потрошувачка. На средбата беше посочено дека во моментов, најбезбедно би било патување со автомобил и автобус, како и фактот дека периодот што следи нема да има ниту зимски туризам, ниту масовен туризам и кружни тури. Дополнително, на средбата се начна и идејата, за наредната година да биде пуштена авионска линија Македонија - Босна – Црна Гора, која ќе биде економски прифатлива за граѓаните од регионот, а несомнено треба да се работи и на подобрување на инфраструктурата во целиот регион.

Потребата од ребрендирање и прилагодување кон новонастанатите услови, ќе се одвиваат чекор по чекор, а веќе кон средината на јуни, по иницијатива на АППТ би се одржал еден заеднички состанок на претставници на националните туристички организации од Србија и Црна Гора и Агенцијата за промоција и поддршка на туризмот како би можеле трите држави заедно да споделат искуства и да започне една заедничка кампања со цел да се спаси туристичката сезона, соопшти Агенцијата за промоција и поддршка на туризмот.

За преродба требаат само три чекора: промена на изборниот модел, укинување на мега и квази државниот апарат заедно со сите паразити во него и економски план за ревитализација на земјата.

повеќе

Нашиот капацитет за справување со општи кризи е ограничен. Дали здравството е немоќно, или ние не можеме да се прилагодиме на промени?

повеќе

 За базата во Ново Село, Бугарија не добива ни долар за закупнина, а отворени се и бројни прашања за животната средина.

повеќе