Преку нова апликација

Халкбанк: Мобилното банкарство достапно и преку мобилните телефони „Хуавеј“

Услугата мобилно банкарство на Халкбанк која овозможува корисниците да имаат увид во своите сметки и да вршат трансакции на брз и едноставен начин, сега е достапна и на AppGallery на Huawei, соопшти Банката.

„Клиентите на Халкбанк, корисници на мобилни телефони Huawei, на овој начин ќе можат да ги вршат сите услуги на електронското банкарство - увид во сметки, платежни картички, кредити, извршување плаќање преку користење на ПП30 и ПП50 налози од своја трансакциска сметка, можност за креирање на сопствени шаблони за плаќање, лоцирање на најблиски банкомати и филијали, промена на лозинка и 24/7 телефонски контакт со банката", информира Халкбанк.

Во соопштението се вели дека физичките лица со активна трансакциска сметка и дебитна картичка, преку мобилната апликација со својот мобилен телефон можат да вршат и повлекување готовина од АТМ на Халкбанк, како и да ја користат најновата услуга SmartSend која овозможува лесно префрлање средства, со еден клик, на контакт од телефонскиот именик кој има активна сметка во Халкбанк и успешно активирана SmartSend услуга.

Апликацијата мобилно банкарство на Халкбанк е достапна на следниов линк.
AppGallery на Huawei постојано го збогатува своето портфолио, а основен фокус во секоја од 170-те земји во кои работи компанијата е обезбедување на најомилените и најкористените апликации од локалните даватели на содржини, велат од Банката.

„Во портфолиото на AppGallery сите апликации, кои се поделени во 18 категории, се развиваат со највисоко ниво на безбедност гарантирана преку механизам за верификација, вклучително и верификација на корисникот, како и четворократна проверка на сигурност и заштита", нагласуваат од Халкбанк.

Официјалната платформа за преземање апликации на Huawei – AppGallery е во првите 3 продавници за глобални апликации, со над 500 милиони активни корисници месечно и истата нуди оптимизирани апликации кои работат на уредите Huawei за да се постигне поиновативно и интелигентно искуство.

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе