ПАД НА БДП ОД 1,8 ОТСТО

Фајнанс тинк: Во вториот квартал намалени капитални инвестиции и нула странски инвестиции

Во вториот квартал од 2017, економијата се намали за 1,8% споредено со истиот квартал од 2016. Политичката криза кулминираше со настаните во Собранието од 27 април, што продолжи во нова неизвесност до формирањето на вадата на 31 мај, што пак продолжи во период на преземање на институциите и следствено без позначаен импулс за економијата. Сепак, во јуни, притисокот врз економијата се намали и се појави нов бран оптимизам.

Во поголем дел од овој период, економијата остана `замрзната`: домашните инвеститори скоро целосно се воздржаа од развојни активности, а влез на нови странски инвеститори скоро и да немаше. Бруто инвестициите се намалија за 19,9%. Истовремено, во отсуство на владин импулс, капиталните инвестиции, особено оние во крупната инфраструктура, се реализираа со значително забавено темпо. Градежништвото се намали за 17,3%.

Паралелно на ваквите движења на економијата, стапката на невработност забележа понатамошно благо намалување за 0,3 процентни поени, до 22,6%, кое главно се должи на исцрпувањето на ефектите од вработувањата во фабрките кои веќе беа воспоставени во економијата.

Оттука, Институтот за економско истражување и политики Фајнанс тинк (Finance Think) врши понатамошна надолна ревизија на проекцијата за растот на БДП за 2017 на 0,8%, одразувајќи го ризикот нагласен во претходниот макро-монитор - брзината со која новата влада се враќа на патеката на структурните реформи.

Оваа значајна надолна ревизија е одраз и на повисокиот пад од очекуваниот во вториот квартал за 2017, како и на застојот во реализацијата на капиталните инвестиции, понатамошната воздржаност на потенцијалните странски инвеститори и отсуството на амбициозна и структуирана економска цел и програма во моментот на објавување на оваа публикација.

Еден проблем кај Трамп е тоа што му е опсесија да изгледа „силен".

повеќе

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе