Еуростандард банка со првата припејд подарок-картичка на нашиот пазар

За прв пат во земјата, Еуростандард банка АД Скопје воведува нова Мастеркард припејд (Mastercard PrePaid) подарок-картичка која со своите карактеристики и можности е уникатна и единствена картичка од ваков тип на нашиот пазар.

Истата може да се купи на сите шалтери на Еуростандард банка и нуди можност за неограничено надополнување средства, така што претставува незаменлив подарок за секого во секоја прилика.

За секој бесценет момент во животот исполнет со среќа и радост, како на пример раѓање на дете или роденден, матурска или дипломска прослава, венчавка, одење во заслужена пензија, бонус за вработени или пак некаков празник, и сте во недоумица што да им подарите на вашите ценети и блиски, отсега го имате вистинскиот подарок, со уплата на паричен износ кој купувачот на картичката сам го одредува.

Таа не е персонализирана, односно на пластиката не се печати име и презиме на корисникот на картичката, па така можете да ја подарите било кому. Минималниот износ кој може да се уплати изнесува 1.000 денари, додека максималниот до 30.000 денари.

„Креирањето на иновативни банкарски производи и услуги според желбите и потреби на нашите клиенти е вкоренето во стратегијата на Еуростандард банка. Настојуваме постојано да сме во чекор со новите трендови што ги наметнува пазарот на капитал, па така и природно се јавува потребата за воведување на нови и модификација на постоечките производи, пред сѐ во делот на малопродажбата. Со своите карактеристики и можности кои ги нуди новата Mastercard PrePaid Gift картичката на Еуростандард, таа е уникатна и единствена на пазарот во Македонија и веруваме дека со овој нов производ не само што се подобрува атрактивноста како и изборот на понудата во Еуростандард банка, туку и во земјата воопшто“, изјавуваат од Еуростандард Банка АД Скопје.

Новата Mastercard PrePaid подарок-картичка може да се користи за плаќање стоки и услуги на сите продажни места во земјата и во странство, како и за купувања на интернет, па оттука, претставува извонредна можност за патувања, но и за подолги престои надвор од местото на живеење, а особено е погодна за ученици и студенти. Дополнително, со картичката може да се подигнува и готовина на сите банкомати на Еуростандард во земјата, без никаков надоместок.

Надополнувањето може да се врши во експозитурите и на шалтерите на банката преку електронско и мобилно банкарство, но и од други банки во земјата.

Нејзини дополнителни карактеристики се бесплатна услуга за известување за секоја авторизирана трансакција преку СМС-сервисот на банката и бесплатно користење на услугата 3D Secure за трансакции на интернет, а Mastercard PrePaid Contactless картичката со можност за надополнување има важност од 3 години со еднократен надоместок при купување од 250 денари, без какви било дополнителни надоместоци во следните 3 години.

ЕУ треба принципиелно да реагира на отворениот национал-шовинизам на бугарскиот парламент, се вели во отвореното писмо на македонски академици и професори до европретставниците во Македонија.

повеќе

Нашиот процес на преговори многу веројатно ќе биде предмет на уште построги критериуми и мониторинг имајќи ги предвид искуствата на земјите кои во моментот преговараат. 

повеќе

На Македонија и Бугарија им треба дебата која ќе го унапреди историското разбирање без робување на идеологии, митологии и политики.

повеќе