Еуромакс апелира: Партиите да не го злоупотребуваат Проектот за рудник Иловица-Штука за политички поени во кампањата

Компанијата „Еуромакс рисорсис“ денеска ги повика политичките партии учесници во кампањата за предвремените парламентарни избори да не се користи и злоупотребува проектот за рудникот Иловица-Штука за собирање политички поени.

„Го разбираме чувствителниот момент на политичката кампања и затоа апелираме до сите инволвирани чинители во кампањата проектот ‘Рудник на можности Иловица-Штука‘ да не се користи и злоупотребува во каква било политичка конотација. Мораме конечно сите да бидеме доволно зрели и одговорни кон иднината и да ја прифатиме реалноста дека се работи за потенцијално најголемата гринфилд странска инвестиција во земјава што ќе донесе значајна економска корист и благосостојба за сите граѓани, особено за жителите во струмичкиот регион“, велат од компанијата.

Оттаму апелираат и до политичарите во текот на политичката кампања да се воздржат од коментари за проектот, затоа што така, можеби ненамерно, влијаат и на работата на судството и правната процедура која се одвива во надлежниот суд, а е поврзана со проектот.

„Во екот на оваа глобална здравствена, економска и социјална криза предизвикана од девистирачката вирусна пандемија, токму овој проект претставува уникатна можност, брзо и ефикасно да се помогне за заздравување и развој на националната економија.

Нашиот менаџерски тим и ангажираните локални експерти од различни области, до детали ги испланираа сите фази за реализација во акционен план, форматиран како ‘Брза лента‘ (Fast Track). Со тоа сме целосно подготвени веднаш да отпочнеме со конкретни активности за реализација на проектот“, се наведува во соопштението од компанијата.

Според „Еуромакс рисоорис“ мега проектот „Рудник на можности“ е модерен рударски комплекс што ќе се гради и ќе биде опериран согласно највисоките европски и светски стандарди. Тој, како што додаваат, никогаш нема да резултира во дислокација или деградација на животните услови во кое било од постојните живеалишта.

„Рудникот никогаш нема да предизвика негативно влијание врз постојаниот квалитет на почвата, водите и воздухот - токму затоа што заедно со граѓаните од регионот, ќе ги преземеме сите мерки за заштита на животната средина и здравјето на луѓето“. Во првата фаза на завршни истражувања, подготовка на локацијата и изградба, проектот директно и индиректно преку соработниците ќе вработи околу 1.000 лица. За оперативната фаза на редовно функционирање ќе вработиме повеќе од 500 лица, во најголем дел од локалната заедница, а преку нашите соработници и снабдувачи ќе се ангажираат дополнителни 2700 лица. Веруваме дека новите работни места ќе привлечат многу од иселените да се вратат во својата земја, на своите имоти и кај своите фамилии“, се додава во соопштението.

Еуромакс заедно со заедницата, како што вели, ќе докажe дека во новата ера на 21-от век, одржливото рударство и земјоделство можат успешно да егзистираат заедно.

Инаку, досега во проектот се инвестирани повеќе од 50 милиони евра, а за првата фаза на изградба предвидени се околу 340 милиони евра. Околу 73 милиони евра секоја година ќе се исплаќаат за комерцијални договори со локалните кооперанти. Во државниот буџет годишно ќе се слеваат околу 24 милиони евра, од кои над 3 милиони евра ќе се одвојуваат во буџетите на локалната управа.

„Рудникот на можности “ ќе придонесе за зголемување на бруто домашниот производ за 3% на годишно ниво и ќе се квалификува во првите ТОП 3 извозни компании од Република Северна Македонија, додаваат од компанијата.

 

 

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе