Мерката МојДДВ дава резултати

Елези: Скенирани 7 милиони фискални сметки со промет од 3,5 милијарди денари

Мерката МојДДВ веќе ги дава резултатите за целите за кои беше воведена, односно  влијае на намалување на сивата економија и враќа пари на граѓаните, изјави заменик министерката за финансии Ширет Елези. 

Елези информираше дека заклучно со вчерашниот граѓаните оствариле поврат од над 930 илјади евра, скенирајќи скоро 7 милиони фискални сметки со промет од 3,5 милијарди денари, а фискални сметки скенираат 143 илјади граѓани.

„Со оглед на трендот на раст на регистрирани корисници и скенирани сметки, очекуваме бројот на месечно скенирани сметки и сумата на поврат иднините месеци да расте“, рече Елези.

Таа уште кажа дека бројот на сторнирани сметки е намален за 15% во овој период, а двојно е зголемен бројот на пријави за неиздадени фискални сметки во однос на минатата година.Во однос на намалување на сивата економија, пак, заменик министерката вели дека вкупната наплата на ДДВ е подобрена за 18,3% во однос на лани.

„Наплатата на ДДВ од почетокот на јули досега изнесува 75 милиони евра. Ова е раст од 18,3% во однос на минатата година. Подобрената наплата на ДДВ, заедно со одличната наплата на персоналниот данок, акцизите, како и придонесите, придонесуваат наплатата на вкупните приходи во јули да биде повисока за 16% во однос на лани. Со ова, од почетокот на годината досега приходите во државната каса се поголеми за 7,4% во однос на лани“, изјави Елези.

Според неа, како што ќе расте бројот на скенирани сметки, се очекува наплатата на ДДВ да остварува уште подобри резултати, како и да влијае на вкупната наплата на приходи во државната каса.

Мојата заложба е конечно законите и прописите наместо инструмент за спроведување лични интереси, да ја добијат вистинската функција, заштита на интересите на граѓаните. За жал...

повеќе