ЕЛЕМ бара пониска цена на струјата

Eлектрани Македонија (ЕЛЕМ) од Регулаторната комисија за енергетика бара намалување на производствената цена на струјата за 0,6 евра или за 1,5 отсто.

Според генералниот директор на државните електрани ова барање се должи на позитивните финансиски резултати што ги постигнува компанијата, оптималното искористување на производствените капацитети и продажбата на вишокот електрична енергија.

„АД ЕЛЕМ во барањето за определување на максималниот регулиран приход за 2018 година до Регулаторната комисија бара намалување на цената за 1,5 проценти. Ова е добра вест и се надевам дека и другите енергетски компании ќе нѐ следат и ќе има на крај позитивен ефект врз сите граѓани на Македонија“, рече Драган Миновски, директорот на ЕЛЕМ.

Од РЕК Битола, најголемиот производител на струја во државата, најавуваат инвестиција од 10 милиони евра за ремонт на сите три блока, до почетокот на новата грејна сезона.

„Оваа година почнавме капитален ремонт на „блок 1“ и ремонтни активности на „блок 2“ и „блок 3“. Сакаме да бидеме комплетно подготвени и сите три блока да бидат во функција на почетокот на месец октомври и да се истера грејната сезона онака како што треба да биде, стабилна“, вели Васко Ковачевски, директор на РЕК Битола.

Се најавува и модернизација и на РЕК Осломеј, како и нови инвестиции во обновливи извори на електрична енергија во Македонија. Проектот за изградба на хидроцентралите Чебрен и Галиште е повторно актуелен.

Со сите овие активности  се очекува зголемено производство на електрична енергија и стабилен енергетски систем во Макединија, велат одговорните.

За прв пат имаме постапки за амнестија кои не се водат по службена должност (ex officio), туку по приватна иницијатива на засегнатите странки (ex privata).

повеќе

Причината за загриженост не е дали ЕУ успева да создаде функционални и стабилни земји или не, туку тоа што ангажманот на ЕУ во регионот води кон губење на кредибилитетот на Унијата како меѓународен актер и кон неуспех на нејзината Заедничка надворешна и безбедносна политика.

повеќе

Зошто егзистирањето на Северна Македонија „во духот на Преспанскиот договор“ ќе значи фактичко постоење на една орвеловска држава?

повеќе