Неврохирургот му посака палави и среќни детски денови

Едногодишно дете пациент на Филипче, издржа тешка операција и сега е добар

Венко Филипче, поранешниот министер за здравство, а сега активен неврохирург кој оперира пациенти, имаше сложена и хумана мисија, да изрши операција на глава кај детенце од една година. Убавата насмевка на едногодишниот Зоран, неврохирургот Филипче ја објави на својот Фејбук профил и напиша дека детенцето се изборило со тешка операција и сега се чувствува добро. Му посака среќа и палави детски денови.

„Едногодишниот Зоран е храбар борец. Неговата убава насмевка денеска ја исполни со позитивна енергија целата Клиника за неврохирургија. Зоран успешно се избори со една тешка операција и сега се чувствува добро. Му посакувам многу здравје, палави и среќни детски денови“, напиша Филипче.

Фотографијата која е објавена на социјалните мрежи е направена и објавена со дозвола на родителот.