Домашните миленици бесплатно ќе се чипираат до крајот на годинава, а чипот ќе чини 200 денари

Рокот за бесплатна идентификација и регистрација на домашните миленици кој што требаше да истече на крајот на овој месец се продолжува до 31 декември годинава, информираше директорот на Агенцијата за храна и ветеринарство, Зоран Атанасов.

На прес-конференција во Владата, Атанасов кажа дека за таа цел набавени се 100 илјади микрочипови и со нив треба да се идентификуваат и регистрираат сите домашни миленици, чијашто бројка, според податоците на Агенцијата, во моментов изнесува вкупно 49 илјади.

„Би сакал да нагласам дека од 1 април вградувањето на чипот ќе се наплаќа 200 денари, а издавањето на пасошот, што следи со домашниот миленик 120 денари, додека самиот микрочип ќе биде донација од страна на Агенцијата за храна и ветеринарство. Исто така, од април инспекциските служби ќе изрекуваат и соодветни мерки, доколку затекнат неидентификуван домашен миленик. Само да нагласам дека казните за индивидуално лице се движат од 100 до 150 евра во денарска противвредност, а за правните лица казните се 1.000 евра во денарска противвредност“, изјави Атанасов.

Бесплатното чипирање на домашните миленици, како што додаде Атанасов, е предвидено во тригодишната стратегија на Агенцијата за храна и ветеринарство, во којашто значаен сегмент е одговорното чување на домашните миленици и справување со проблемот со бездомните кучиња. 

 

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе