Редовен координативен состанок

До РКЕ уште никој не поднел барање за поскапување на струјата

Домашното производство на електрична енергија по први јануари, како и статусот и темпото за ангажирање на сите енергетски капацитети кои се на располагање во државава биле тема на денешниот редовен координативен состанок на Регулаторната комиисја за енергетика со енергетските компании ЕСМ, МЕПСО, ЕВН хоме, Електродистрибуција, Операторот на пазарот на електрична енергија – МЕМО, ТЕЦ Неготино и со претставници на Владата и Министерство за економија.

Претседателот на РКЕ Марко Бислимоски посочи дека стабилноста на електроенергетскиот систем е императив и сите процеси кои се во тек и чекорите кои се преземаат од сите енергетски компании и институции согласно надлежностите се насочени кон сигурна и стабилна испорака на електрична енергија во државата.

„На состанокот се отворија прашањата за домашното производство на електрична енергија по први јануари и се презентираше статусот и темпото за ангажирање на сите енергетски капацитети кои се на располагање во државава. Што се однесува до предизвикот кој не очекува во однос на цената, компаниите сеуште немаат доставено барања до РКЕ за истата. Во периодот што следува компаниите ќе ги сумираат трошоците кои ги имаат во изминатиот период во кои клучна ќе биде цената по која ќе се набавуваат загубите за електрична енергија, а за кои МЕПСО и Електродистрибуција треба да распишат јавни повици и ќе ги достават до РКЕ“, изјави Бислимовски.

Тој повтори дека како РКЕ ќе ги активираат сите механизми што се во рамки на нивна надлежност со цел заштита и на интересот на потрошувачите и на ликвидноста на енергетските компании.

 

Македонија може да ги задоволи потребите од електрична енергија ако на површина од 160 км2 постави соларни панели, а инвестицијата за тоа е 2,4 милијарди евра.

повеќе

Тешко е да се очекува дека ветото ќе биде туку-така тргнато. Дури и кога би се постигнал некаков договор, тоа би значело дека Македонија направила тешки и болни компромиси за да дојде до решение, имајќи ги предвид тврдите позиции на Бугарија.

повеќе

Лошите прогнози за инфлацијата и зголемувањето на цените на сите енергенси, не упатува кон еден заклучок - обновливите извори на енергија, заедно со вложувањето во самоодржливост и економијата на подарувањето сега се позначајни отколку кога и да е претходно.

повеќе