„Нема повеќе субвенции“

Деспотовски изненаден: Напредни компании во ТИРЗ исплаќаат пониски просечни плати од просекот во економијата

Директорот на Дирекцијата за технолошко-развојни зони Јован Деспотовски не е задоволен од висината на платите што им се исплаќаат на вработените во зоните и најави дека повеќе нема да се даваат субвенции за да се поттикнат компаниите да ги зголемат платите, туку преку посебна програма за развој на вештини и продуктивност, ќе се поттикне здрав раст на платите.

„Апсолутно сум незадоволен, не само за нивото, туку и од фактот дека просечната плата во рамки на зоните е пониска во однос на просечната плата во рамки во македонската економија. Искрен да бидам за мене беше изненадувачки во негативна смисла тоа што технолошко напредни компании исплаќаат пониски плати во однос на останатите во рамки на економијата“, изјави Деспотовски на денешната прес-конференција во Владата.

Одговарајќи на новинарски прашања, Деспотовски рече дека нема да се даваат субвенции за да се поттикнат компаниите во зоните да ги зголемат платите, туку преку програмата за специфични активности за развој на вештини ќе се поттикнува продуктивноста со што ќе се направи позитивен притисок врз компаниите да ги зголемат платите.

Според него, системот „грижа на корисници“ бил запоставен во изминатите години и се размислува во договорите со инвеститорите да има клаузули со кои роковите во кои инвеститорите се обврзани да ги исполнат своите обврски, автоматски да се пролонгираат доколку се случи одлагање на обврските што ги презела државата или единиците на локална самоуправа.

„Има дел од обврските кои државата си ги презела пред годините што не се реализирани. Тоа не говори добро, ниту за државата, ниту за нејзиниот образ пред инвеститорите. Така што, целта ни е преку професионализација и на овој сегмент на работењето, да им дадеме цел пакет услуги на корисниците. Размислуваме во самите договори да предвидиме посебни клаузули во кои роковите со кои инвеститорите се обврзани да ги исполнат своите обврски, ќе бидат автоматски пролонгирани доколку се случи одлагање на активностите по вина на државите институции или единиците на локална самоуправа. Ова е уште еден механизам со кој државата, институциите и единиците на локална самоуправа ќе станат доста поодговорни во делот на исполнување на своите обврски кон инвеститорите“, изјави Деспотовски.

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе

Можеби по нас ќе дојдат некои нови клинци што прегрнати ќе го слушаат мртвиот Џоле и ќе го разберат подобро отколку што го разбравме ние на кои со години жив на глуви уши ни пееше за љубовта.

повеќе

За државата Македонија, Македонците се посебен народ со повеќевековна традиција, кои зборуваат, творат, се радуваат и тагуваат на македонски јазик, веќе со векови, во и надвор од територијата на нашата држава.

повеќе