На 3.828 тутунопроизводители

Денеска ќе им се исплаќаат близу 3,9 милиони евра субвенции за тутунот од ланскиот род

Оваа сума е дел од преостанатите 20 отсто за исплата на субвенциите за тутунот. Агенцијата за финансиска поддршка во земјоделството и руралниот развој ги обработува решенијата за преостанатите субвенции за тутунот. Се очекува исплатата комплетно да заврши во текот на следната недела, соопшти денес Министерството за земјоделство, шумарство и водостопанство.

Минатата недела на 20.880 тутунари им се исплатија 22 милиони евра, или околу 80 отсто од вкупната сума за исплата на субвенции за тутунот,. Досега се исплатени близу 26 милиони евра за субвенции за тутунот од родот за 2017 година за 24.708 тутунари.

Тутунарите добија зголемени субвенции за тутунот, односно, според новиот модел на субвенцирање со кој субвенцијата за прва класа тутун е 80 денари за килограм, за втора класа 70 денари, а за трета, четврта и за дополнителните класи субвенцијата изнесува 60 денари за килограм. Целта на новиот модел на зголемено субвенционирање е да се поттикнат тутунарите да произведуваат поквалитетен тутун за да добијат повисока субвенција. Оваа година се постигна и убедливо највисока просечна цена за тутунот од 217,6 денари за килограм.

Тутунопроизводството е значајна гранка за македонското земјоделство, која што носи девизен прилив од околу 100 милиони евра годишно. Во насока на создавање поволни услови и поттикнување развој на оваа култура, МЗШВ го најавува и новиот закон за тутун, кој е во финална фаза. Со него се предвидува укинување на поднесувањето евидентни листови, со што значително се олеснуваат адмнистративните процедури, соопшти денес Министерството за земјоделство, шумарство и водостопанство.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе