Цвеќарите пред банкрот и колапс, бараат помош од Владата

Производителите на сезонско (саксиско) и режано цвеќе бараат помош од Владата, бидејќи ако државата не интервенира, велат, нивниот сектор ќе банкротира и целосно ќе колабира.

Како што апелираат, поради состојбата со коронавирусот пласман на производството воопшто не можат да реализираат и продажбата е целосно запрена. Тие предупредуваат и дека фирмите од дејноста се приморани да ставаат клуч на врата, како и дека стотици вработени ќе бидат отпуштени, а дополнително во прашање ќе биде доведена и егзистенцијата на сезонските работници во струмичкиот регион.

„Од средина на март нашето производство е подготвено за продажба, но поради состојбата во која се наоѓаат земјава и регионот, пласман воопшто не е возможен. Приморани сме нашето сезонско цвеќе да го уништиме, фрлиме. Нашата гранка спаѓа во интензивно земјоделско производство што подразбира големи трошоци и расходи по единица површина (скапи репроматријали, греење, ѓубрење/заштитни сретства, работна сила). Веќе ги трпиме првите штети, а развојот на ситуацијата е крајно неповолен и неминовно води кон зголемување на загубите во сé поголем обем. Имаме вработено и стручни лица, обучени работници, кои поради состојбата не ќе можеме да ги задржиме“, алармираат членовите на Постојана потсекторска група за цвеке и украсни дрва (ППГЦУД).

ППГЦУД испрати и официјално писмо за помош до Владата, но и барање до Министерството за земјоделство. Очекува итна реакција и донесување сет конкретни мерки по примерот на другите сектори.

„Би побарале владиниот Кризен штаб да не стави во листата економски оператори кои се длабоко погодени од кризата со коронавирусот и да ни пружи економска помош и поддршка на сите можни начини и мерки кои и се на располагање или би се донеле во иднина“, наведуваат од Постојаната потсекторска група.

 

Во повеќето земји во развој, ковид-19 предизвикува економски ураган.

повеќе

Бизнис заедницата која до пред некој месец постојано „трубеше“ како државата не треба да ѝ се меша во работата, веднаш почна да плаче за државна помош.

повеќе

Кога може оние кои пукаа по нас, оние кои ги убија Аце, Коки и Оливер да бидат на слобода, зошто не би бил помилуван и ти?

повеќе