Цената на струјата со мерки на државата се одржува стабилна, вели премиерот

Државата ја држи стабилна цената на струјата на домаќинствата, во моментов државата има обврска да обезбедува околу 60-70 проценти од струјата, а останатите до 100 проценти ги субвенционира, изјави премиерот Зоран Заев на новинарско прашање. Трендот на раст на цената бил евидентен во првата половина од годината поради што е намален ДДВ на 5 проценти за да се спречи зголемување на цената на сметките, рече тој. Заев изјави дека во план е до 2030 година да бидат затворени термоцентралите во интерес на екологијата.

На тој начин успеваме да ги амортизираме дел од трошоците, кои граѓаните би ги сносиле ако државата не интервенира, рече премиерот.

„Вториот дел е директната интервенција што државата ја прави со енергетскиот производител ЕСМ за да можеме да држиме стабилна цена на струјата на домаќинствата, иако таа е неколкупати зголемена, еве 4-5 пати, зависи од кога земате мерења. На два начини правиме субвенционирање. Едното е директно ги помагаме ЕСМ за да може производната разлика со таа за граѓаните да ја платиме од Буџетот, со средства од граѓаните, а тоа да не го плаќаат граѓаните. Вториот дел е субвенционирање на цената што се набавува на отворен пазар, за до 100 проценти се покријат домаќинствата и така ќе продолжиме“, изјави Заев.

Секако, рече, во 2022 година ќе ги очекуваме тековите кои ќе се случуваат, но јасно е дека со политиките на климатските промени и инвестициите во обновливи извори на енергија се обидуваме и ние како држава да обезбедиме поголеми количини на зелена енергија по конкурентни цени, како би можеле и на подолг рок да ја ублажиме ваквата тенденција.

Имаме план, посочи Заев, до 2030 година да бидат затворени сите термоцентрали на јаглен во државата и затоа, нагласи, фокусот е на зелена енергија од ветерни, хидро и фотоволтаични централи.

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе

За пишувањата на Хари Костов за проблемите на државата – ако компетентен човек зборува за нефункционирањето на правната држава, кое има директен одраз врз економијата, не може тоа да се заврши со охридскиот уличен жаргон.

повеќе