Буџетот е реален и ликвиден, тврдат Заев и Ангеловска

Предлог-буџетот за 2020 година е реален и е израз за растот на економијата, како основа за проекција на самиот Буџет, рече премиерот Зоран Заев пред новинари и уредници од повеќе медиуми, во емисија на МТВ посветена на буџетот за наредната година, заедно со министерката за финансии Нина Ангеловска.

Според Заев, растот на Буџетот се движи многу логично и реално без разлика дали следи изборна година, а тоа е израз на крупните политики, како и на храбрите одлуки и интеграциските процеси во државата кои имаат сериозен импакт на економијата.

Заев најави дека и оваа година е економска, за што говори и покачувањето на платите за одредени категории граѓани и оваа 2019 година, како и покачени партиципации за поддршка на домашни и странски инвестиции.

„Завршуваме прво полугодие со 3,6 проценти раст, во година кога  имавме и претседателски избори, кога е очекувано да опаѓа растот. Очекуваме третиот квартал да има подинамично темпо на раст и развој  во економијата, очекуваме оптимално ниво за да можеме да направиме една фер распределба на сите буџетски корисници, чинители и сектори во општеството, како што е човечкиот капитал и поддршката кон бизнис секторот. Сето тоа значи повисок економски стандард на нашите граѓани“, изјави Заев.

Во врска со реалната проекција на Буџетот, министерката за финансии Ангеловска, како и премиерот, кажа дека приходната страна е проектирана земајќи го предвид и благото релаксирање на даночната политика која оди во прилог на приватниот сектор. Ангеловска додаде дека и покрај тоа што во мирување е ставено прогресивното оданочување, сепак постојат даночни олеснувања и ослободувања воведени со даночната реформа во 2019 година кои остануваат и даваат позитивен придонес.

„Мора да имаме предвид дека покачувањето на минималната плата ќе даде позитивен придонес на прибирањето на приходите. Од друга страна, растот на  платите во економијата и од трета страна релаксираната даночна политика, по дефиниција обезбедуваат поголем број на даночни обврзници кои не бараат начини да ги избегнуваат плаќањата на даноците“, вели Ангеловска.

Таа додаде дека Буџетот е ликвиден, а транспарентното дебатирање и отворање на Буџетот низ дебати, потврдува дека заклучно со септември се остварени 75 проценти реализација на приходната страна што значи дека успешно се прибираат проектираните приходи. 

 

Два месеци по недобивањето датум за преговори за членство на Македонија во ЕУ, малку знаеме која беше улогата на Бугарија во тоа.

повеќе

И покрај сите обиди, темата „Закон за јазиците" не „лепи".

повеќе

Дали ние, луѓето, сакаме да продолжиме да живееме добро и безбедно на оваа планета?

повеќе