Богов: Политичката криза предизвика поголем економски пад од очекуваниот

Продолжената политичка криза ѝ нанесе сериозни штети на македонската економија и тешко дека ќе постигнеме никаков раст оваа година, по падот во првата половина, изјави гувернерот на Народната банка на Македонија, Димитар Богов.

„Нашите превидувања од април за економски раст од 2,5 проценти очигледно беа премногу оптимистички. Политичката криза предизвика поголем пад отколку што првично сметавме“, вели Богов во интервју за Ројтерс на маргините на Конференцијата на гувернерите на централните банки во Сарево.   

Тој нагласува дека, имајќи предвид оти во првата половина од оваа година македонскиот БДП забележа пад од 0,9 отсто, би „бил среќен ако оваа година ја завршиме со позитивен економски раст“.

Богов во интервјуто додава дека  македонската економија следната година може повторно да бележи раст, доколку се стабилизира политичката ситуација.

„Доколку имаме целосна политичка стабилност и економски политики од новата Влада, можеме да очекуваме растот постепено да се врати на трендот што го имавме пред да западнеме во политичката криза во 2015 година“, вели гувернерот.

Богов очекува Владата да продолжи со фискалната консолидација со цел да го стабилизира буџетскиот дефицит, кој се проценува на околу три отсто за оваа година.

Според него, по тригодишна дефлација, се очекува годинава инфлацијата да достигне 1,3 отсто, а во 2018 се предвидува нејзината стапка да изнесува два проценти.

 

 

Меѓу најпосетените места во градот сѐ уште на прво место и меѓу главните мотиви поради кои доаѓаат туристите во Крушево е вечното почивалиште на Тоше Проески, спомен куќата изградена во чест на него, Манастирот Св. Преображение и многу други.

повеќе

„Москва се труди да протурка слика за себе како благонаклонет партнер и заштитник на сувереноста и на православното христијанство антитеза на Западот што 'цело време се меша таму кај што не му е местото'.

повеќе

Да можеме Благуна да ја прашаме за нашите јадови околу текстот од Нивици, би ја зачудиле.

повеќе