Инженерски саем во Брно

Анѓушев: Условите за инвестирање во Северна Македонија препознаени како особено поволни во Чешка

Вицепремиерот за економски прашања Кочо Анѓушев, министерката за странски инвестиции Зорица Апостолска, министерот задолжен за унапредување на правната регулатива за домашни компании Хисен Џемаили и директорот на Дирекцијата за технолошко индустриски развојни зони, Александар Младеновски ја започнаа работната посета на Брно, Чешка, каде овие денови се одржува најголемиот Инженерски саем во Централна Европа.

Пред свеченото отворање на саемот, официјалната владина делегација имаше  средба со чешкиот вицепремиер и министер за трговија и индустрија Карел Хавличек, со кого разговараа за досегашната економска соработка помеѓу двете земји, како и за потенцијалите за зголемување на трговската размена, можностите за инвестирање и енергетските реформи во нашата земја.

По состанокот помеѓу двете делегации, Анѓушев, како што соопшти неговиот Кабинет, рекол дека постои простор за проширување на економската соработка помеѓу двете земји, особено во делот на пласирање земјоделски производи во Чешка, интензивирање на соработката помеѓу чешките и компаниите од Македонија, како и во поглед на инвестиции од Чешка во нашата земја.

„Веќе имаме пример на чешка инвестиција, тоа е компанијата ‘Локотранс‘, која има најавено дека ќе гради фабрика во нашата држава за шински возила. Се обидуваме да привлечеме и други компании, не само да градат, туку и да бидат купувачи на производите од нашите индустриски капацитети. Денеска и утре ќе имаме средби со бројни компании во Чешка и мислам дека ќе имаме добар развој на соработката и економската размена меѓу нашите две земји“, изјавил Анѓушев по средбата со Хавличек.

Чешкиот вицепремиер Хавличек, пак, изразил задоволство од одржаниот состанок и добиените информации за инвестициските можности во Северна Македонија, особено за условите за инвестирање во технолошко-индустриските развојни зони.

„Дефинитивно би сакале да ги дискутираме условите за инвестирање во ТИРЗ во Северна Македонија со сите претставници на чешките претприемачи, Стопанската комора и Конфедерацијата на индустрии, затоа што верувам дека многу чешки компании ќе бидат заинтересирани за производни активности во зоните, нагласи Хавличек.

Во Брно денеска започна Инжинерскиот саем, што е најголем настан од овој тип во Централна Европа, на кој што се присутни околу 1.600 изложувачи од Чешка и целиот свет, а се очекува саемот да биде посетен од над 80 илјади посетители.

Овогодинешниот процес во одлучување по конкурсот за финансирање на проекти за игран филм е селективен, корумпиран и компромитиран,

повеќе

Во споредба со 2019 година, просечното време поминато на социјалните медиуми во 2020 година се зголеми за рекордни 100% на сите платформи.

повеќе

Ковид-19 може да нѐ научи битни лекции за животот - дека почитта кон другите човечки суштества не е во честа која им ја даваме со пружање рака и тапкање по грбот, туку во суштинската грижа за нивната добробит и здравје.

повеќе