Собрание

Ангеловска: Се интензивира економијата, наредните години растот до пет отсто

Фундаментите на економијата се солидни. Трендовите во економијата се добри. Растот за годинава е ревидиран на 3,2 проценти, а во наредната година се очекува да се интензивира и да изнесува 4,2 отсто, а во 2021 година да достигне до пет проценти.

Ова го истакна министерката за финансии Нина Ангеловска дебатирајќи на собраниската Комисијата за финансирање и буџет каде од денеска почна расправата по предложениот ребаланс на Буџетот за 2019 година.

„Македонија е во првите 10 земји во ЕУ и регионот според ставка на раст на БДП. Проектираниот БДП за оваа година беше ревидиран нагорно на 3,2 отсто. Тој веќе има реализација од 3,6 во првото полугодие. Нашиот економски раст го препознаваат и интернационалните институции го докажува тоа што и меѓународните финансиски институции го ревидираат во нагорна линија растот“, рече министерката.

Таа оцени дека фундаментите на економијата се солидни, а она што е важно е дека растот е на широка основа.

„Не расте само градежништвото, туку растат и земјоделската активност, индустриското производство, трговијата од услугите, значи се работи за раст навистина на широка основа. Економските трендови се добри и тоа го покажуваат податоците. За 2020 се очекува економскиот раст да се интензивира на 4,2 проценти и пет процнети во 2021 година“, рече Ангеловска.

 

Во либералните демократии веќе со години се продлабочува политичката поларизација, се намалува довербата во владеењето на правото и, институционално гледано, состојбата општо се распаѓа.

повеќе

Како по ѓаволите успеаја политичарите да го претворат токму Гоце Делчев во повод за поделби и омраза?

повеќе

Независна Македонија не може да се пофали со успешно менаџирање на етничките прашања, а првите „грешки“ се прават во првите денови од независноста.

повеќе