Нема решение за прилепската фирма

60-ина вработени во „Еурокомпозит" излегоа на протест

Повеќе од три години се обидуваме да се најде решение за „Еурокомпозит", но Владата е крајно несериозна, рече денеска на протест Роберт Богданоски, претседател на Синдикатот. 

Шеесетина вработени во прилепски „Еурокомпозит" со блокада на улицата пред компанијата денеска ги продолжија протестите изразувајќи незадоволство од, како што велат, неизвесната иднина, без конкретен инвеститор, плати и без работа во наменската фабрика. За задутре најавуваат протест во Скопје.

Роберт Богданоски, претседател на Синдикатот, изјави дека не веруваат оти има иднина за фирмата поради, како што потенцира, односот на Владата е крајно несериозен и по последната средба со владините претставници од пред 10-ина дена одговорноста се префрла од едни на други".

-Повеќе од три години се обидуваме да се најде решение за „Еурокомпозит", но Владата е крајно несериозна, па, најверојатно, нема решение за нашава фирма. Со последниот разговор што го имавме со претставници на Владата, не го решивме проблемот и мислиме дека нема конечно решение за „Еурокомпозит". Или нека се затвори, или конечно нека проработи, изјави Богданоски.

Тој додава дека од јануари досега им биле исплатени мали делови од заостанати плати и всушност, немаат плата за овие месеци и не им се исплаќа здравствено осигурување.

Според Гоце Јагуриноски, вработен во „Еурокомпозит", директорот не си ја врши работата и затоа вработените бараат негова оставка.

-Побаравме оставка и од овој директор кој, очиглено, ништо не прави за работите да се поместат од статус-кво ситуацијата. Кажува дека има работа, а всушност немаме никаква работа, рече Јагуриноски.

Во „Еурокомпозит" 154. вработени беа прогласени за технолошки вишок и според законот што беше усвоен од Парламентот, на сите им се иплаќаат придонесите за повеќе од шест годиони, додека 60-ината вработени чекаат инвеститор и извесна иднина.

Визија на развиениот свет е државните авторитети да го гледаат спортот како средство за подобар економски и социјален развој.

повеќе

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе