Храбар подвиг во Јужна Америка

Македонски планинари на -25 степени го искачија врвот Аконкагва

Македонските планинари, Александар Кирковски и Димитар Тодоровски вчера успешно го искачија највисокиот врв во Јужна Америка, Аконкагва 6.962 метри надморска висина. Аконкагва се наоѓа на Андите во Аргентина близу границата со Чиле, а освен на континентот претставува воопшто највисок врв надвор од Азија.

„Искачувањето го реализиравме со почеток од вториот висински камп, времето беше стабилно со ветар од 40 километри на час и температура од околу -25 Целзиусови степени. Истиот ден се спуштивме до базниот камп на 4.300 мнв и се чувствуваме одлично", изјавија планинарите по овој храбап подвиг.

За Александар ова искачување е дел од подготовките за брзинско искачување на Аконкагва што треба да се случи во некој од наредните денови, а неговата цел е под 12 часа од подножјето до врвот и назад.

Димитар со 23 години е веројатно најмладиот Македонец што го искачил овој врв. Акцијата е дел од програмата на Федерацијата на планинарски спортови на Македонија.

Претходно оваа сезона врвот Аконкагва 6962 мнв успешно го искачи Д-р Сашко Кедев, а уште тројца планинари од Македонија во моментот се на експедиција на планината.

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе

Без оглед на политичката заднина на случајот за изнудување, владата во Скопје мора да се фокусира на темелна истрага наместо на ограничување на штетата.

повеќе