Протести против промена на името

За Македонците во Австралија Заев, Димитров и Шекеринска се непожелни личности

Повеќе од 50 илјади Македонци протестираа денеска во Перт, Мелбурн, Бризбејн и Сиднеј, Австралија. Македонските здруженија од оваа земја порачаа дека се против промената на името, а за Зоран Заев, Радмила Шекеринска и за Никола Димитров рекоа дека се непожелни личности меѓу Македонците во Австралија. За протестите известија сите поголеми медиумски куќи во оваа земја.

 

„Премиере Заев, министре за надворешни работи Димитров, министерке за одбрана Шекеринска треба да го знаете следново - секој обид за промена на името на Република Македонија со само еден збор ќе резултира со тоа што вие и членовите на вашите кабинети ќе бидат прогласени за PERSONA NON GRATA во Австралија.

Нема да прифатиме ниту еден македонски амбасадор во Австралија, ако се смени името на нашата земја. Ниту еден македонски амбасадор никогаш нема да биде добредојден тука“, порачаа организаторите на овој протест, а нивниот проглас го испратија до Заев и Димитров.

За два месеци завршува мандатот на актуелниот амбасадор во Австралија.

Македонците од Австралија бараат веднаш да прекинат „апсурдните преговори за името на Македонија. Македонската Влада мора да постави формално и директно барање до ОН да ја признаат Македонија под нејзиното конститутивно име. 137 земји на ОН ја признаа нашата земја како Република Македонија.

Правна и морална е обврската на ОН да дозволат Македонија да се движи напред без мешање и бојкотирање од Грција.

Ги повикуваме ОН да престанат со двојни стандарди со игнорирање на  човековите права на македонското малцинствово Грција, Албанија и Бугарија, да престанат со охрабрувањето на сепаратистичките и расистички барања на албанското малцинство во Македонија во своите барања за голема Албанија“.

Повеќе од 15 протести денеска се одржаа или се одржуваат по земјите од целиот свет на кои Македонците го искажуваат својот ревволт од преговорите за промена на името.

 

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе