ЗАЕДНИЧКА РЕАКЦИЈА НА ПОВЕЌЕ МАКЕДОНСКИ ОРГАНИЗАЦИИ

Со договорот за добрососедство Македонија се откажа од македонското малцинство во Бугарија

Не ја прифаќаме содржината на договорот за добрососедство меѓу Македонија и Бугарија затоа што сметаме дела е насочен против добрососедството, унапредувањето на односите и евроинтеграцијата на Македонија, се вели во заедничкото соопштение на ОМО Илинден - Пирин од Бугарија, Македонското меѓународно движење за човекови права од Канада, Австралиско-македонски комитет за човекови права и Македонска алијанса за европска интеграција од Албанија.

„Договорот за добрососедство меѓу Македонија и Бугарија е нерамноправен, ги задоволува повеќе бугарските националистички аспирации отколку македонските национални интереси. Тој ги поставува под прашање сувереноста на Македонија и слободите на делови од нејзините граѓани и го урива нејзиниот авторитет како независна и полноправна држава. Добрососедство може да се гради само на рамноправна основа и со добра волја, а не преку уцена, понижување и злоупотреба на позицијата.

Со овој договор Република Македонија направи уште еден чекор кон откажување од македонското малцинство во Бугарија. Поранешното декларативно откажување сега станува дел и од договорот за „добрососедство“. Тоа е логичен срамен исчекор по 25 годишното нарушување на Уставот од страна на владите на Македонија, кои целосно и доследно ја запоставуваа својата уставна обврска да се грижат за македонските малцинства во соседните земји и особено во Бугарија и Грција. Поради оваа причина договорот е и антиуставен!

Договорот создава механизми преку кои Бугарија ќе може да ја условува и уценува Македонија во процесот на нејзината евроинтеграција (чл. 8 и чл. 12). Се создаваат можности Бугарија да бара интервенција во независноста на научните истражувања и слободите на медиумите и да наметнува редефинирање на поими како говор на омраза во смисла на секој став кој ја поддржува македонската национална посебност. Дека имено таква е и намерата на Бугарија, сведочат изјавите на нејзините официјални лица дека договорот е само прв чекор, а не финално решение, како што наивно се обидуваат да го протолкуваат некои наивни политичари во Скопје.

Поради тоа сметаме дека договорот е неприфатлив, навредлив за Македонија и македонскиот народ, непринципиелен, срамен за двете земји потписнички и дека спротивно на очекувањата на потписниците тој нема да допринесе за добрососедството, а само ќе ја зголеми недовербата и ќе создаде вистинска омраза против Бугарија на местото на имагинарната таква од која сега се жали Софија.

Ниту македонското малцинство во Бугарија, ниту македонската дијаспора, а убедени сме ниту македонската нација генерално, не се чувствуваат на кој било начин обврзани со нерамноправните клаузули во овој договор, и ќе дадат отпор на секој обид да им се скратат човековите слободи и ќе ја продолжат својата борба за достоинство, права и правда и против секој обид истата да се спречи било да доаѓа од Софија, било од Скопје“, се вели во соопштението на овие организации.

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе

Повеќе од 40 години пишувам за самостојноста на македонскиот јазик и идентитет и на моменти бев подложуван и на физички напад поради моите ставови. Јас не би прифатил ништо што го негира признавањето на Македонија.

повеќе