Жална вест

Почина Спасе Мазенковски од Мала Преспа

Во шеесет и петтата година од животот во селото Леска, Мала Преспа, денеска почина Спасе Мазенковски, голем македонски патриот, писател, новинар и публицист и еден од најголемите борци за правата на Македонците во Албанија.

Целиот свој живот го мина и твореше во селото Леска.

Спасе Мазенковски роден е во 1953 година во селото Леска. Беше основач и претседател на организацијата за заштита на правата на Македонците во Албанија „Друштво Преспа”, основач и главен уредник на весникот “Преспа”, основач на единствената партија на Македонците во Албанија, Македонска алијанса за европска интеграција и учесник во сите активности на Македонците во Албанија од 1990 година.

Спасе Мазенковски на македонски јазик има објавено неколку поетски збирки, книги, разкази и репотажи “Преспа моја”, “Разбојна китка”, “Торбулетот на татко ми”, “Преспанска убавица”, “Лабид и Преспана”, “Рѓосани бисери”, “Историја на македонскиот народ во Албанија”. На албански јазик ја има објавено книгата “Историја на македонскиот народ”.

Беше член на друштвото на писатели на Македонија и на друштвото на писатели “Новиот свет” во Албанија.

Погребот ќе биди денеска на селските гробишта во село Леска, Мала Преспа.

Од името на сите Македонци, МАЕИ до неговото семејство испрати телеграма со длабоко сочувство, во која се нагласува големата загуба, како за семејството,така и за Македонците, и се искажува огромна благодарност за неговиот придонес во борбата за остварување на правата на Македонците во Албанија и зачувување на македонскиот национален идентитет. 

Едно современо демократско општество се разликува од тоталитарното токму по тоа што јавната критика е основно полемичко право и должност на медиумите.

повеќе

Македонските граѓани конечно го гледаат крајот на илузијата што им се продава од осамостопјувањето до денес.

повеќе

Министерот за финансии не треба да е кум, баџанак, шура, братучед или самиот тој, бидејќи треба да даде отпор на честите политички, но не и економски барања на членовите на владата.

повеќе