Реакција

OMД: Со прифаќањето промена на името и на Уставот Владата врши предавство

Со последниот предлог за промена на името за севкупна употреба вкучувајќи и промена на Уставот на Република Македонија, Владата на Република Македонија изврши предавство на нацијата и се обидува сериозно да ја наруши независноста и суверенитетот на државата, ставајќи се во служба на силите кои вршат идентитетски, историски и културен геноцид на македонскиот народ, реагира Обединетата македонска дијаспора (ОМД).

„Со аматеризам и полтронство, без трошка визија, самопочит и без никаква заложба за почитување на основните и универзални вредности за рамноправност, со дигнитет и меѓусебна почит, се прават обиди за уништување на вековниот идеал на Македонецот за сопствена држава создадена врз Крушевскиот манифест и Асномската декларација. Со своето полтронство и аматеризам, потпомогнати од невладини активисти со сомнителен кредибилитет, професионализам, етика и морал, финансирани од извори кои спроведуваат национални интереси на туѓи држави, сериозно ги загрозуваат угледот на македонската држава, достоинство и иднина“.

ОМД го повикува Македонецот без разлика на својата етничка, верска и идеолошка припадност и определба во Република Македонија и дијаспората, на следниве чекори и активности: мирни протести и јавни манифестации како начин на изразување на несогласност со деструктивните политики во Република Македонија; македонските медиуми транспарентно да известуваат за националното незадоволство наместо да лажираат национален консензус во прилог на актуелните политики; ги повикуваме интелектуалците да го поттикнат својот народ во одбрана на Уставот на Република Македонија; македонските компании и дијаспора да се организираат со финаниска поддршка во одбрана на унитарноста, уставноста и идентитетот на државата; формирање на координативно тело помеѓу партиски членови од сите македонски партии кои ќе работат за спречување на референдумско изјаснување за да се спречи легитимизирање на уставните и идентитетски промени на Македонија.

Кризата на вредности влијае негативно на балансот помеѓу императивот за слобода и потребата за безбедност, стеснувајќи го либералниот простор на современо конципираните општества.

повеќе

Mора да се научиме како да ги градиме политиките кои ќе водат кон осврт на сите теми важни за градење позитивен мир, но и реторички да останеме конзистентни на она за што се залагаме.

повеќе

Во изминатите 24 години откако Македонија и САД воспоставија официјални дипломатски односи, македонско-американските трговски врски растат бавно, но сигурно.

повеќе