ОМД повикува на разум и одговорност во Република Македонија

Обединета Македонска Дијаспора (ОМД) ги повикува македонските граѓани на разум и одговорност во овие крајно загрижувачки моменти.

„Во овие историски моменти секој задоцнет искажан став е контрапродуктивен и води кон турбулентност. За потсетување, политичката платформа на Албанците потпишана во Тирана беше објавена на 7 Јануари 2017, на Божиќ.

Нетранспарентните, тајните, многупати и со посредство на странски фактори изнудени политички решенија само ѝ наштетија на младата македонска држава. Секое решение кое не е базирано на народното јавно мислење и здрава дебата води кон нестабилност и неизвесност.

Од тие причини, ги повикуваме народните избраници во Собранието на Република Македонија, кои го рефлектираат мултикултурниот карактер на државата, согласно својата одговорност и уставни ингеренции, веднаш да ја продолжат конститутивната седница, да ги повикаат политичките партии целосно транспарентно да им ги презентираат предлог програмите за влада и низ јавна собраниска дебата да се дискутираат и одлучат ставовите и опциите за иднината на земјата.

Недоделувањето на мандат за формирање на Влада од Претседателот Иванов вчера треба да служи како потик за партиските лидери на ВМРО-ДПМНЕ и СДСМ да одговорат на моменталната состојба во која се наоѓа државата, покажувајќи државотворност и патриотизам преку директни разговори во Собранието и издавање на заедничка декларација за целосно заштита на унитарноста и уставноста на Република Македонија“, соопшти ОМД.

Ова, според ОМД, е единствен излез од кризата. Во спротивно, како што додаваат, конспиративноста, тајноста на преговорите и договорите на политички партии и притисоците на странски фактор во внатрешните прашања на државата можат да доведат до несогледливи последици не само по Македонија, туку и по Балканот.

„Разумот, совесноста, одговорноста кон предизвикот и лојалноста кон државата се особено важни во овие историски моменти“, вели ОМД.

Без оглед дали сте поддржувач или противник на претходната власт, не можете да оспорите дека таа постави сосема нови стандарди во поглед на мерките, напорите и вложувањата за да се привлечат странски инвестиции, за наши услови. 

повеќе

Ако лидерите на двете најмоќни земји во светот – САД и Кина имаат суштински разлики во начинот на кој тие гледаат на меѓународните односи, какви се изгледите за глобално зајакнување на соработката?

повеќе

Најновите случувања на релација политичка власт-граѓански сектор, повторно го отвораат прашањето за односите помеѓу овие два сегмента на општествениот живот.

повеќе