ВАШИНГТОН

ММДЧП oд Стејт департментот побара осуда за тиранската платформа и крај на мешањето од САД

Претседателот на Македонското меѓународно движење за човекови права, Бил Николов, повторно се сретна со претставници на американскиот Стејт департмент и го повтори барањето САД да ја осудат тиранската платформа, наместо да ја оправдуваат и да се залагаат за неа.

ММДЧП побара амбасадорот Џес Бејли веднаш да се отстрани од функцијата амбасадор на САД во Република Македонија, заменик-помошникот државен секретар Хојт Брајан Ји да го повлече своето барање за доделување мандат на анти-македонската коалиција и задоцнетата политика за Македонија на претседателот Трамп да се спроведе веднаш.

Николов изрази огорченост од намерите на САД активно да ја поддржат коалицијата чија цел е да се сменат името на Македонија, идентитетот, знамето, химната, што претставува закана за територијалниот интегритет на Македонија. Тој побара од американскиот Стејт департмент и особено од американската амбасада во Македонија, да се држат до принципите на новата администрација на Трамп кој вети дека ќе се стави крај на американското мешање во внатрешните работи на други држави.

Николов го повтори и барањето на ММДЧП за САД да се откажат од преговорите за името - со што ќе се покаже вистинската американската заложба за суверенитетот на Македонија.

На крајот Николов побара уште и истите права што се загарантирани за албанското малцинство со Охридскиот рамковен договор да се имплементираат и за македонското малцинство во Албанија, Бугарија, Грција, Косово и Србија.

Пораката на амбасадорот Бејли среде Скопје, јас не ја сфатив како шлаканица врз ДИК и нивните неодговорни членови (за наша несреќа едногласни во мислите и менталната матрица)!

повеќе

Дипломатијата е уметност невозможното да го направите возможно (Ш.-М. Талеиран).

повеќе

Односите меѓу Грција и Македонија се на клучна точка, вели Катимерини и со ѕвездички дообјаснува дека употребата на терминот „Македонија“ е на авторот и дека не го одразува ставот на весникот. Сепак се чини ова е првпат грчкиот весник да нè напише со уставното име.

повеќе