КАНАДА

Македонците од градоначалникот на Торонто бараат да го осуди расизмот на советникот Каргијанис

Џон Тори, градоначалникот на Торонто има морална обврска да го осуди расизмот, вели Бил Николов од Македонското меѓународно движење за човекови права.

Николов бара од градоначалникот Тори да побара оставка од советникот Џим Каргијанис. Во напис објавен во Хил тајмс, Николов го потсетува градоначалникот Тори на неговата предизборна кампања и ветувањата за моралната обврска да се стави крај на омразата. „Но, што се случува кога поранешен пратеник и актуелен градски советник искажува бројни јавни и навредливи изјави против еден етникум, бранејќи ја во разни канадски медиуми употребата на говор на омраза и кој на видео-снимка од едно негово предавање го возвишува бомбардирањето на цивили на истата етничка група. Одговорот е – ништо. Либералната партија не презема ништо и покрај постојаните поплаки на таа етничка група. И други етнички групи во заедницата го бараа истото, но реакција немаше. Кога Каргијанис стана градски советник, од вас во повеќе наврати беше побарано да преземете нешто, но вие одлучивте да го игнорирате тој проблем.

 Етничката група на која ова се однесува се Македонците. Дали причина за отсуство на акција е тоа што канадските Македонци се помалку познати? Кажете ни г-дине Тори дека тоа не е точно. И преземете нешто. Држете се до вашата девиза за морална обврска“, му порача Николов на градоначалникот на Торонто.

Што е потребно младите велешки занаетчии да не станат самоубиствени гемиџии, туку да ги тераат своите замисли напред.

повеќе

Брзата храна и газираните пијалоци се водечки причинители на прекумерна телесна тежина, која пак значително го намалува нашиот животен век и квалитет на живот.

повеќе

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе