Ѓурѓај: Албанскиот државен Комитет за малцинства ја корегира грешката, сега сме Македонци

Албанскиот државен комитет за малцинства ја корегира грешката на веб страницата во делот резервиран за влашкото малцинство, па македонското малцинство повеќе не е славомакедонско туку македонско.

Одлуката за исправка ја донесе комесарот за заштита од дискриминација, кој позитивно одговори на барањето на Македонското друштво „Илинден“ со седиште во Тирана.

„Комесарот за заштита од дискриминација со одлука број 149, а по наше барање, по институционален пат побара од веб страницата на државниот Комитет за малцинства, во делот резервиран за влашкото малцинство, да се отстрани терминот Славомакедонци. Комитетот експресно реагираше на одлуката и сега стои Македонци, како што стои во отстапениот простор од сајтот за другите малцинства”, изјавил за МИА, претседателот на МД „Илинден“, Никола Ѓурѓај.

Според него, Друштвото, заедно со огранокот за Голо Брдо остро реагирале на преименувањето и во писмото до комесарот побарале да се ангажира тоа веднаш да се корегира.

„Во барањето наведовме дека во Република Албанија е признато македонското национално малцинство, со мајчин македонски јазик”, додава Ѓурѓај, според кого, ова е уште еден успех на Македонците во напорите да се елиминираат навредите на нивното достоинство и кршењето на нивните легитимни права. 

МИА

 

Од една страна, Уставот му доделува бројни функции, а од друга страна, скржаво ги определува средствата за нивно остварување на практичен план.

повеќе

Напредокот и оптимизмот што ги обележаа децениите по 2. Светска војна се гледаа во создавањето на средната класа, составена од луѓе што, иако родени во куќи со земјени подови, завршија со факултетски дипломи и добри работни места во големите градови. Поседуваа автомобили и викендички, летуваа на море и патуваа во странство без визи.

повеќе

Најголемиот предизвик на секоја земја е развојот и одржувањето на здрава популација.

повеќе