МД ИЛИНДЕН

Албанија признава осум малцинства, бугарско нема

Во Албанија се признава постоењето на осум национални малцинства, а тоа се Македонците, Грците, Египќаните, Власите, Ромите, Црногорците, Србите и Бошњаците.

Ова стои во текстот на Предлог-законот за заштита на малцинствата во Албанија, кој веќе влезе во собраниска процедура, а со кого се предвидува унапредување на моментната состојба со правата на малцинствата.

Поздравувајќи го финализирањето на процесот на донесување на Предлог-законот, кој едногласно е подржан на вчерашната седница на законодавната парламентарна комисија, македонското друштво „Илинден“ со седиште во Тирана посебно го нагласува фактот што официјална Тирана ја прикажува реалната слика околу тоа кои малцинства живеат во државата.

„Тоа е албанската реалност кога станува збор за малцинствата. Во законот јасно е наведено кои малцинства живеат во Албанија, значи не се признава постоење бугарско малцинство, како што тоа некој се обидуваше во изминатот период. Сите здруженија на Македонците категорично се спротивставувавме на разните изјави за наводно постоење на бугарско малцинство. Во Албанија немало и нема Бугари, туку само Македонци“, наведуваат од друштвото.

Според предлагачите на Законот, тој е во согласност со препораките на ЕУ и во него се регулираат сите права кои им припаѓаат на малцинствата.

Ваков закон Албанија носи по првпат и е еден од приоритетните закони што ги бара ЕУ. 

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе