Време

Денес сончево и топло со температури до 29 степени

Во Македонија денес времето ќе биде сончево со мала до умерена локална облачност, а највисоката дневна температура ќе се искачи до 29 степени. Под влијание на висок воздушен притисок и утре ќе продолжи сончевото и топло време со невообичаено високи температури за овој период од годината. 

Утринските температури ќе се движат од 4 до 12 степени во сабота, односно од 3 до 11 степени во недела, додека пак максималните дневни денес ќе бидат од 21 до 29, а утре се очекуваат дневни температури од 20 до 28 степени.

Во недела во доцните попладневни и во вечерните часови ќе има зголемување на облачноста. Во понеделник и вторник под влијание на циклонска циркулација нѐ очекува промена на временската состојба, продор на влажна и постудена воздушна маса која што ќе услови поинтензивни врнежи од дожд локално и над 20 литри и осетен пад на температурите, кои што на планините над 2.000 метри ќе донесе и врнежи од снег.

Ќе дува и засилен северен и северозападен ветер што ќе достигне брзина и до 40 километри на час. Во понеделник минималните температури ќе бидат од 5 до 13 степени, а максималните од 12 до 19 степени, додека пак во вторник утринските од 2 до 10 степени, а дневните од 9 до 17 степени. 

Република Македонија треба да понуди законска можност за реализација на правото на приватен и семеен живот за истополовите партнери.

повеќе

Умре Милена Дравиќ. Да живеевме во некое друго време, во некоја друга земја, таа вест ќе се прикажеше на екраните на југословенските телевизии, како што ни се прикажа веста за смртта на Тито.

повеќе

Во кичестиот амбиент на магичното Скопје, каде што се изградени огромни споменици на Александровите фалангисти, а знамето на НАТО се вее пред зградата на Генералштабот, во градот поделен на македонски и на албански дел, лебди Бизмарковата геополитичка визија: оној што ја контролира долината на реката Вардар, станува господар на Балканот.

повеќе