Направил сообраќајка и тешко се повредил

Бегалец од „Идризово“ случајно фатен откако паднал од мотор кај Маврово и завршил во болница

Бегалец од затворот во Идризово баран за доиздржување на затворска казна, е фатен откако вчера завршил во болница со тешки повреди, по направена сообраќајка со мотор. Според официјалните информации се работи за Б.Н.(38) од гостиварско Чегране.

Од МВР ја потврдија сообраќајката и велат дека бегалецот го управувал моторот, а заедно со него била и сопатничка на возраст од 26 години од Албанија. Со моторот излетале од коловозот и двајцата завршиле во болница со тешки повреди.

„На 15.09.2020 околу 17.00 часот во СВР Тетово било пријавено дека на регионалниот пат Мавровска крстосница-Маврови Анови, во близина на Врбенски манастир, мотоцикл „хонда", со швајцарски регистарски ознаки, управуван Б.Н.(38) од гостиварско Чегране, а на кој се превезувала и 26-годишната И.И. од Република Албанија, излетал од коловозот. Мотоциклистот и сопатничката се здобиле со тешки телесни повреди, констатирани во гостиварската Општа болница „Ферид Мурад", каде биле пренесени за укажување лекарска помош", ни одговорија од МВР.

Според предходните информации за ова лице, Б.Н. беше приведен во мај, 2018 година за издржување на затворска казна од 3 години и 6 месеци за недозволена трговија со оружје и распрскувачки материјали.

Казната не ја доиздржал и по него откако не се вратил во затвор била распишана потерница. Полицијата го барала, но не успеала да го најде се до вчера кога направил сообраќајка.

Никој не знаел дека токму тешко повредениот е оној кој се барал за да биде вратен во затвор. Но, откако бил утврден неговиот идентитет надлежните откриле дека се работи за бегалецот Б.Н.(38).

Сега за сега тој е во болница со тешки повреди. Од неговата здравствена состојба зависи понатамошниот тек на настаните и неговото враќање во затвор.

 К.Д.

Доколку најмоќните луѓе во земјата (вклучително и претседателот Милановиќ) не престанат со вербалните напади и притисоци врз новинари и медиуми, се плашам дека Хрватска ќе појде по стапките на Унгарија, Полска и Словенија во однос на (не)слободата на медиумите, што секако не е европски, туку автократски пат.

повеќе

Законот за високо образование јасно и прецизно ја пропишува постапката за избор во наставно-научни и соработнички звања на високообразовните институции во нашата држава-Македонија.

повеќе

На три месеци пред избори, Владата носи закони и уредби со катастрофални последици по граѓаните, што е просто неверојатно.

повеќе