Велес по 20 години пак со кино

По речиси две децении велешани повторно ќе добијат кино со најсофистицирана опрема за прикажување дигитално кино, а ќе биде сместено во салата „Бели мугри“ на локалната библиотека, односно во склоп на Младинскиот креативен центар, кој тука ќе профинкционира до крајот на февруари или почетокот на март.

Како што најави градоначалникот Аце Коцевски, покрај техничката опрема, во рамки на проектот, сцената во салата ќе биде соодветно прилагодена за потребите на киноприкажување и за други мултимедијални настани.

„Ова е приоритетен проект од областа на културата во 2020 година и еден од најзначајните во изминатите децении, кој Велес ќе го вброи во водечките културни центри во државата“, истакна Коцевски.

Тој најави проектот да биде завршен во најкраток можен рок, со цел велешани што побргу да имаат можност да ги следат домашните и странските филмски остварувања во соодветни услови и современа технологија.

Како што информира за МИА Елизабета Јовчевска, секретар на општина Велес, документацијата е веќе подготвена и претстојнава недела треба да  биде распишана тендерската постапка за набавка на  пакет за дигитално кино (DCP), кој вклучува проектор, екран и систем за озвучување. Тендерската документација ја вклучува и можноста за прикажување и следење на 3Д-филмови.

Инаку, велешкото градско кино сместено во зградата на синдикатот во центарот на градот не работи скоро дваесет години.

Во меѓувреме, од 2013 година проекции на филмови  имаше во салата на театарот, со  дигитален кинопроектор обезбеден од Министерството за култура.

Последниве две години поради прегорена ламба на кинопроекторот и негово нефункционирање, граѓаните на Велес,  за жал, немаат можност  да следат никакви  кинопроекции на големото   платно.

Јавното здравје и економијата одат заедно и во време на пандемија, па затоа најдобриот начин да ѝ се помогне на економијата во оваа криза е ако се воведат адекватни рестрикции за пандемијата да се стави под контрола.

повеќе

Стопанската комора на Македонија со донесувањето на 4-тиот сет на мерки гледа остварување на ветеното дека Владата на РСМ и во услови на здравствено- економска криза ќе стои зад компаниите.

повеќе

Оваа парафраза на големиот Иво Андриќ, нобеловец и водечко книжевно име на Балканот, за малку ќе го погодеше лично него.

повеќе