Трет Меѓународен фестивал на сенки

Teaтарот „Сенки и облаци“ со изведба на „Алиса и чудата“ во Москва

Театарот од Македонија ја претставува магичната земја на чудата, измислена од Луис Керол, како простор на сенки во кој актерите и куклите дејствуваат подеднакво. Просторот е длабок и подвижен, па дури и одеднаш, и покрај сите алогизми, станува разбирлив, тогаш со текот на времето сè не е толку едноставно – туку се забрзува, па замрзнува, напиша рускиот театарски критичар Алексеј Гончаренко за претставата на „Алиса и чудата“ на театарот „Сенки и облаци“ со изведба во Московскиот детски театар на сенки. 

Од Театарот „Сенки и облаци" велат дека обете изведби на „Алиса и чудата" поминале одлично, со полна сала публика, меѓу кои имало деца и возрасни.

Гостувањето на претставата „Алиса и чудата" во руската престолнина е поддржано од македонското Министерство за култура.

Во Московскиот детски театар на сенки (Московский Детский Театр Теней), кој е единствениот руски професионален државен театар за сенки кој постои дури 80 години, деновиве се одржува третиот Меѓународен фестивал на сенки.

Фестивалот беше отворен со спектаклот „Никогаш ненапишана приказна" посветен на 200-годишнината од раѓањето на Фјодор Михајлович Достоевски.

 

Економската криза е лоша во сите сфери на живеењето, но од неа можеме и да научиме по нешто.

повеќе

Во саботата во јавноста го претставивме предлог-ребалансот на Буџетот за 2022 година, откако истиот беше усвоен од страна на Владата.

повеќе

Наспроти сесловенскиот и општоевропскиот карактер на нивната дејност, Кирил и Методиј станале објект на присвојувања уште од средниот век.

повеќе