Тања Бошковиќ ѕвезда на фестивалот „Киненова“

Најголемата дама на српското глумиште Тања Бошковиќ годинава го добива признанието за посебен придонес во светската филмска уметност што го доделува четвртиот Интернационален филмскиот фестивал „Киненова“.

„Ми претставува исклучителна чест што сум годинашен добитник на  наградата за особен придонес во филмската уметност и што по тој повод ќе присуствувам на фестивалот „Киненова“ во Македонија. Бев пријатно изненадена и возбудена кога ја примив веста. Оваа награда, секако многу ми значи, како и сите награди, но секогаш кога ќе добијам награда мислам дека не сум ја заслужила. Кога ќе добиете признание за особен придонес тоа честопати значи дека веќе сте ја завршиле вашата работа во кариерата, сте одиграле се она што е важно и сте се оствариле себе си.

Со оглед на тоа што ние уметниците постојано имаме порив непрекинато да создаваме уметност, по малку ме загрижува една вака голема награда, но секако од друга страна, исклучително ми значи и претставува еден вид потврда на сето она што досега сум го работела, во целата моја досегашна кариера, изјави Бошковиќ по повод добиеното признание.

Тања Бошковиќ е истакната филмска и театарска актерка уште во времето на поранешна Југославија, а последните години е посветена на театарот, работејќи низа театарски проекти низ цела Србија.

Родена е во Белград. Дипломирала во 1973 година на Факултетот за драмски уметности во Белград, а првата главна улога ја одиграла во 1974 година во филмот „Кошава“. Истата година ја снима и серијата „Диви јагоди“. Значајни улоги оствари во филмовите „Мајстори, мајстори“, „Човек со четири нозе“, „Полицаец од Петлово брдо“, „Војна во живо“, „Окупација во 26 слики“, „Балкански правила“, „Те сакам најмногу на светот“ и „Петтата пеперуга“, а на публиката и е најпозната по улогата на пејачката во филмот „Балкан Експрес“ и во улогата на Лола Голубовиќ во ТВ серијата „Среќни луѓе“. Во седумдесеттите била голема ѕвезда во Театар на Теразије, а од 1986 година станува член на театарот Атеље 212.

Тања Бошковиќ денес е доајен на филмското глумиште, има преку четириесет години плодна театарска, телевизиска и филмска кариера. Умее да го носи репертоарот, како и своите години. Со лежерна насмевка вели дека веќе четири години е во пензија, иако е тешко да се поверува бидејќи игра со иста леснотија и уметничка убедливост.

Ѕвезди на минатите три фестивалски изданија беа актерите Мира Фурлан, Жарко Лаушевиќ и Аница Добра.

Минатата недела, Сирија повторно беше на врвот на меѓународните вести. Земјата, која долги години е вклучена во борбата против екстремистичките групи, повторно се соочи со нов бран на агресија и воена акција. Во средата, на 9 октомври, турската армија, заедно со сириските антивладини бунтовници, го започна маршот кон североисточните делови на оваа земја што предизвика жестоки борби.

повеќе

Добар изборен систем треба да биде репрезентативен, но и да овозможува ефикасно владеење.

повеќе

Луѓето можете и ги задржите во сопствената земја - ако им е добро.

повеќе