Скопско лето

Струмичкиот театар денеска во Скопје со претставата „Забрането смеење“

На „Скопско лето" вечер од 20 часот во Театар Комедија е претставата „Забрането смеење" од Миро Гавран во режија на Игор Ивковиќ и во продукција на театарот „Антон Панов" од Струмица.

Претставата ги исмејува бесмислените, лажни и себични споделувања емоции. На комичен начин зборува за хипокризијата во секојдневните односи меѓу луѓето, за лажните компромиси што се прават во бракот и за сексуалните фрустрации што произлегуваат од нив.

Учествуваат актерите Стојан Велков, Јасмина Вучкова и Анкица Бенинова. Преводот на текстот од хрватски и неговата сценска адаптација ги направи Горјан Милошевски. Валентино Апостоловски работеше на сценските движења и танците, костимографи се Маре Трајковска и Ванчо Василев, дизајнот на сцената е на Маре Трајковска, а музиката  на Виктор Апостоловски и Ставре Ангелаков.

На програмата на „Скопско лето“ вечер од 20.30 во Музејот на македонската борба е и концертот на „Пијано трио“, составено од пијанистот Шкељзен Бафтиари, виолинистката Лида Алиу и виолончелистот Енис Аљи.

На програмата  „Кафе кино“, пак,  од 21 часот  во Сули ан ќе биде прикажан швајцарскиот документарец „Хотел Југославија“ по сценарио и режија на Николас Вањиер. 

Секој може да биде менаџер во „добри денови", но најчесто менаџерската работа не е за „добрите денови" туку постојан баланс помеѓу проблемите и можностите за оптимизирано управување на компанијата.

повеќе

Нека се соберат во Дојран, нека се договорат и нека нѐ известат. Сите други пак нека се спремаат за вистински избори во постпандемискиот период.

повеќе

Дали е аксиом дека со членството во НАТО е гарантирана безбедноста на Македонија? Дали почеток на преговори значи и отворен пат за членство во ЕУ?

повеќе