Стефоска: Наша цел е во најбрз можен рок да се заврши новиот објект за театарот и библиотеката во Тетово

Доградба на новиот објект за библиотека и театар и состојбите во дејноста култура, за ова денеска разговараа министерката за култура Ирена Стефоска и градоначалничката Теута Арифи на работната средба во Општина Тетово.

Министерката информира дека објектот ќе продолжи интензивно да се гради и во текот на оваа година, има средства од буџетот, како и реализиција на соодветните процедури.

„Нашата соработка од позиција на министер и градоначалничка продолжува понатаму во секоја сфера што ја тангира културата. Тетово е голем град, големи се потребите на граѓаните на Тетово, во секоја сфера во културата. Од тие причини продолжува во следна фаза, новиот објект на театарот и библиотеката. Веруваме дека заедно со другите институции, ќе биде реализиран делот од фазата за оваа година, а и понатаму. Наша цел е во најбрз можен рок да се заврши овој прекрасен објект“, изјави министерката Стефоска.

Според министерката, важна е соработката и во полето на зачувување на културното наследство.

„Тетово изобилува со културно наследство од различна природа. Иако институците на централно ниво се надлежни, нужна ни е соработката со локалните власти бидејќи на почетокот и на крајот овие институции им служат на граѓаните и е од интерес да функционираат. Во таа смисла е потребна поддршка на локалната самоуправа“, рече Стефоска.

Градоначалничката Арифи истакна дека се зборувало и за активностите од културата, имајќи предвид дека во пандемијата имало проблеми за реализација на настани.

„За нас како град е важна добрата соработка со Министерството за култура и од интерес да завршат побрзо работите на градењето на театар и библиотека, која е една голема потреба на градот“, изјави Теута Арифи. 

Во САД и некои други земји, припадниците на загрозените расни и етнички малцинства имаат пократок животен век од просечниот, и поради тоа не се доволно застапени меѓу оние за кои најмногу се очекува дека ќе починат од ковид-19.

повеќе

Предвидувањата за тоа дека ќе дојде денот кога Бугарија ќе ги искористи пасошите кои Софија така лесно им ги даваше на македонските државјани почнуваат да се остваруваат.

повеќе

Реакцијата на семејството и блиските во однос на пандемијата е пресуден фактор кој влијае на емотивната состојба, размислувањата и однесувањето на младите.

повеќе