Со претставата „Љубаф“ започна фестивалската програма на 11-от Интернационален театарски фестивал „Св. Јоаким Осоговски“

Актерите од Градски театар „Јоза Ивакиќ“ од Винковци, Република Хрватска, вечерва настапија пред кривопаланечката публика со претставата „Љубаф“, со што и официјално беше отворена овогодинешната програма на 11-от Интернационален театарски фестивал „Св.Јоаким Осоговски“ во Крива Паланка.

Претставата беше изведена пред полна сала на сцената на Националната установа Центар за култура Крива Паланка каде ќе се реализира програмата на осумте фестивалски вечери, сите со почеток во дваесет часот.

„Љубаф“ од Мјури Шисгал е во режија на Горан Рибариќ, во изведба на актерите: Матеа Марушиќ, Дориан Паулиќ, Дејан Фајфер и Владимир Андриќ.

Во рамки на фестивалската програма утре со почеток во 12 часот и 30 минути, во Локалната установа Градски музеј Крива Паланка ќе се одржи промоција на книгата „50 години во Драмски и клоцата во…“ од Коле Ангеловски, а утревечер на репертоарот е претставата „Половњачи“ во изведба на Народен театар „Лесковац“ од Лесковац, Србија.

На овогодинешното издание на фестивалот ќе учествуваат и театрите: општински театар „Невена Коканова“, Дупница, Република Бугарија, Драмски театар, Скопје, Драмски куклен театар -Враца, Бугарија,  Народен театар „Јордан Хаџи Константинов- Џинот“, Велес, Агенција за сценски изведби „Студио Призор“, Белград, Србија, како и Народен театар „Стерија“, Вршац, Србија.

Во рамки на придружната програма на фестивалот, во четврток ќе се промовира драмата „Брачниот живот на Зиме Замфирова“ на Трајчо Кацаров.

САД остануваат најмоќната држава во светот, но францускиот претседател Макрон прави сѐ да стане своевиден „пандан“ на претседателот на САД.

повеќе

Сега, кога нашата држава ја предводат анационални лидери, кога супериорната бугарска власт смрди од агресивен национализам, ќе биде тешко да се изгради цврсто пријателство.

повеќе

Иако Буџетот 2020 е популистички, сепак со цврстите ставови за отфрлање на субвенциите за возила и за промена на даночната политика на СДСМ, како и во идејата за понатамошно отворање на Министерството за финансии се наѕира дека Ангеловска знае што прави.

повеќе