На Меѓународниот фестивал Обањ

„Северниот Пол“ на режисерката Марија Апчевска доби награда во Франција

На 13-тото издание на Јуропеан шорт пич – Ниси Маса, проектот „Северниот Пол“ на режисерката Марија Апчевска ја доби наградата Меѓународен фестивал за филм Обањ (Festival International du Film d’Aubagne) и беше еден трите наградени проекти на сесијата одржана во францускиот град Брест.

Програмата Јуропеан шорт пич – Ниси Маса (European Short Pitch – Nisi Masa) е престижен настан чијашто цел е поттикнување на европски копродукции, развивање и создавање на интернационално признати филмови. Настанот се состои од три дела: работилница за развој на сценариото, онлајн-сесија и копродукциски форум, кој ги обединува режисерите, сценаристите и продуцентите на избраните проекти со филмски професионалци од цела Европа. Право на учество имаат земјите-членки на Европската Унија и Македонија, Албанија, Босна и Херцеговина, Исланд, Грузија, Молдавија, Црна Гора, Норвешка, Србија и Украина. Од пријавените проекти, членовите на мрежата Ниси Маса номинираат 40 сценарија, по што жирито избира 16 финални проекти. Резидентната работилница за развој е под менторство на реномирани и наградувани сценаристи, режисери и продуценти, по што следи и онлајн-сесија за понатамошен развој.

Во рамките на копродукцискиот форум, пак, проектот „Северниот Пол” го претставија сценаристот и режисер Марија Апчевска и продуцентот Роберт Насков од Кино око. Во текот на изминатите години, голем дел од проектите развивани тука биле дел од престижни фестивали како Кан, Венеција, Берлин и многу други, што дополнително го потврдува значењето и квалитетот на работилницата и форумот.

Учеството на проектот на Јуропеан шорт пич – Ниси Маса е поддржано од Агенцијата за филм на Македонија.

Демонизирањето на Исламот и неговото постојано поврзување со тероризмот е загрижувачка појава во светот, а и на Балканот.

повеќе

Последните искричења во меѓународниот поредок ја прават нејасна агендата за евроатлантски интеграции на регионот која претставува неопходен услов за долгорочна стабилност на Западен Балкан.

повеќе

Очигледно во градењето на македонското општество заборавивме да ја промовираме правдата како негова примарна цел.

повеќе