„Руска зима“: Месец на класичен и современ руски филм во Кинотека на Македонија

Со Филмот „Ана Каренина: Приказната на Вронски" од 2007 година во режија на Карен Шахназаров, во Кинотеката на Македонија в понеделник ќе биде отворен Месецот на руски филм насловен „Руска зима". До крајот на февруари ќе бидат прикажани 25 класични и современи руски филмови, а поводот се 25 години од воспоставувањето дипломатски односи меѓу Руската Федерација и Република Македонија.

Од наредниот ден (5 февруари) до крајот на месецот ќе бидат прикажани: „Соларис“,  „Андреј Рубљов“ , „Сталкер“ и „Ивановото детство“ на Андреј Тарковски; „Свој меѓу туѓинци, туѓинец дома“; „Семејни врски“ и „Неколку дена од животот на Обломов“ на режисерот Никита Михалков; „Иван Грозни“ и „Александар Невски“ на Сергеј Ајзенштајн; „Шетајќи по улиците на Москва“ и „Кин-Џа-Џа“ на Георги Данелија; „Ѕвезда“ на Николај Лебедев; „Ширли-Мирли“ на Владимир Меншов; „Моја мила и нежна ѕверка“ во режија на Емил Лотеану; „Најшармантна и најатрактивна“ на Гералд Бежанов; „Иван Василевич ја менува професијата“ на Леонид Гајдај; „Човекот од булеварот Капусин“ на Ала Сурикова; „Успение“ на Лариса Шепитко; „Оди и види“ на Елем Климов; „Дерсу Узала“ на Акира Куросава; „Канцелариска романса“ на Елдар Рјазанов; „Пат за Берлин“ на Сергеј Попов; „Се издава куќа со сите неудопства“ на Вера Сторожева и „Исчезната империја“ во режија на Карен Шахназаров со кој на 28 февруари ќе заврши филмската ревија.

Кинотеката го организира Месецот на руски филм во соработка со Амбасадата на Русија во Македонија и со поддршка на Агенцијата Русотрудничество.

Тоталното разочарување од сите мејнстрим политички елити, вклучувајќи ги и зелените, континуирано води кон отуѓување на граѓаните, за што доказ е се помасовното бојкотирање на изборните процеси.

повеќе

Помина времето кога политиката беше „шаховска борба“ на политичките актери, која неретко се одвиваше далеку од очите на јавноста и беше доста неразбирлива за обичниот гласач. 

повеќе

Државата треба повеќе да се вклучи во промовирање на младинско претприемништво како економска активност која би помогнала за намалување на невработеноста.

повеќе