ДЕБАТНО КИНО

Првата проекција во 2017 година на Контра кадар Скопје ќе се одржи во СЦ „Дуња“

Контра кадар Скопје новата година ќе ја почне со проекција во вторник, 10 јануари, во Социјалниот центар „Дуња“, додека по празниците дебатното кино ќе се врати во својот редовен понеделничен термин.

Со почеток од 19 часот ќе има проекција на филмот „Златната треска“ (The Gold Rush, 1925) на еден од највлијателните ликови во филмот, или поточно од ерата на немиот филм, Чарли Чаплин. По филмот ќе следи отворена дискусија.

Дебатно кино „Контра кадар“ – Скопје е културна иницијатива што организира седмични филмски проекции по кои следува дискусија за прашањата што филмот ги загатнува. Филмот служи како референтна точка за дискусиите, но заедничката рефлексија на отворените прашања е главната цел на седмичните собири, додека анализата на самиот филм е во втор план.

Филмската програма на „Контра кадар“ е жанровски, стилски и тематски хетерогена, а дебатниот формат не е фискен, иако има некакви контури кои ја гарантираат можноста за еднакво и целисходно учество во дискусијата на сите присутни. Цел на иницијативата е да одржува континуирана филмска и дебатна култура и да овозможи споделување на мислењата на што повеќе поедници по однос на привремено или постојано актуелните општествени теми.

Измените во законот за минимална плата е трул компромис меѓу социјал-демократите и бизнис-лобито во Владата.

повеќе

Македонската јавност е во исчекување од најавата на министерот Оливер Спасовски дека МВР ќе ги истражува сите агенции за обезбедување поради поврзаност со рекетарство.

повеќе

Сите овие промашувања на Груевски имаат едно заедничко - дирекно ја загрозија државноста на Република Македонија.

повеќе