Почина актерот Славиша Кајевски

Со огромно жалење и неверување известуваме дека нашиот актер Славиша Кајевски трагично го загуби својот живот, информира колективот на Националната установа Македонски народен театар. Кајевски е роден на 1 февруари 1982 година, во Скопје. Дипломира на Универзитетот „Св. Кирил и Методиј", на Факултетот за драмски уметности, Скопје, на отсекот за актерска игра, во класата на проф. Владимир Милчин, во 2005 година. Од 2010 година. е актер во Македонски народен театар – Скопје.

„Нѐ остави збунети, во болка и во неверување! Не остави во длабока тага! Остана да замислуваме што уште можеше да направиш во животот, на театарската сцена и пред камерите! Ти секогаш ќе бидеш дел од срцето на театарот и никогаш нема да бидеш дел од некое минато време, туку дел од нас, овде и сега. За оние кои те познаваат, остана празнина во душата и на сцената на МНТ поради твојата сеприсутност на сцената и како верен колега, пријател и човек. Останавме без твојата безрезервна љубов и поддршка, твојата емотивност и грижливост за сите колеги зад сцената.

Ти на оваа сцена беше Клег во „Бесачи", Ленокс во „Макбет", Семјон Семјеевич Медведенко во „Галеб", Миле Прлиќ од „Ничија земја", Императорот во „Авантурите на Аладин", Еснафот во „Силјан штркот шанца", Таткото во „Соларис", Сергеј Александрович во „Животот е прекрасен", „Тероризам", Агамемнон и Еврипид во „Електра", Таткото Тил во „Сината птица", Озрик и Цар Едип во „Аферата Елсинор", Готфрид Најцзекер во „Вечната куќа", Грен во „Подемот и падот на кабарето", „Декамерон", „Животот е сон", Јован и Анѓеле во „Парите се отепувачка", Корубин во „Свадбата на Фигаро", Тибалт во „Ромео и Џулиета", „Бесови", „Немој ти мене Фауст", „Троил и Кресида", „Суд", „Лет во три глави", Рака во „Госпоѓа Министерка", Џими во „Вејка на ветрот", Гласникот во „Мара/САД", Маро Мароев во „Дундо Марое", Морис во „Дракула"...

Остана да те гледаме како Фантом во филмот „Хомо ", Енди Гомез во „Baaghi", Сурла во филмот „Еј", Пики во „Црвената соба", Павел Киров во „Последните Македонци", Гласот во „Скопје Ремиксд", Малиот во „Ова не е американски филм", Јане во „Некои поинакви приказни", Павел во „Превртено", Војникот во „Караула", Момчето со маска во „Бал-кан-кан"..., велат од МНТ во својата порака за јавноста по повод прерано прекинатиот животен пат на Кајевски

Комеморацијата ќе се одржи утре во МНТ, петок,во 10:00 часот, а погребот е во 12:00 часот, во Ѓорче Петров.

Земјите треба да бараат начини за градење мостови и унапредување на билатералните економски врски, а не да гледаат во минатото и да му наметнуваат на македонскиот народ поинаков идентитет или историски наратив.

повеќе

Tочната искористеност и капацитет на водните ресурси во државата e невозможно прецизно да се пресмета заради недостиг на континуирани хидролошки мерења и мониторинг на квалитетот на водите.

повеќе

Нам бизнисмените не ни требаат ниту уставни преамбули ниту некакви параграфи за да ги почитуваме Република Бугарија и нејзините граѓани. Ние некого почитуваме доколку прави профит, плаќа даноци и доколку е општествено одговорен.

повеќе