Перформансот „Човековиот срам“ вечер во Младинскиот културен центар

На четвртиот ден од Млад отворен театар вечер од 20 часот во Младинскиот културен центар ќе биде изведен танцовиот перформанс од Италија „Човековиот срам“, резултат од проектот „Поетиката на срамот“ во копродукција на „Reteteatro41“ и Фондацијата „Матера 2019“. Премиерно беше изведен во март во Матера – италијанскиот град кој годинава ја носи титулата Европска престолнина на културата.

Во режија на Силвија Грибауди и Матео Мафесанти, перформансот го истражува срамот, индивидуалниот и колективниот, преку драмска конструкција раскажаната од телото.  Во петчлената интернационална екипа е и нашата актерка Симона Спировска од театар „Артопија“.

Пред половина век Матера бил „град на срамот“ поради екстремната сиромаштија и, меѓу другото, тоа било и инспирација за овој проект. Според актерката Спировска, проектот е инспириран од трансформацијата на Матера од срам на Италија во европски град на културата, односно од неговото издигнување од сопствениот срам, претворајќи го во  гордост.

МОТ ќе продолжи утре со хрватската претстава „Младина без бог“ од 20 часот во МКЦ, а потоа со претставата „Бакхи“ на Битолскиот театар од 22 часот на малата сцена на Националната опера и балет. Утре ќе биде организиран и првиот настан од придружната програма на МОТ – работилницата за специфична локација „Orbis pictus – Оди и види“ која од 18 часот ќе се одржи во Железничката зграда.

Јавните медиумски сервиси треба да бидат столб на демократските општества и примарен извор на информации за сите граѓани.

повеќе

Отповикот или импичментот на претседателот Доналд Трамп од страна на Претставничкиот дом покажува дека членовите на Конгресот на САД прво се партијци, а потоа Американци.

повеќе

Најпрво, важно е да се напомене дека поседувањето на оф-шор компанија не е нелегално само по себе. Во суштина оф-шор земјите нудат низа поволности како што се исклучително поволни стапки на данок. Всушност, некои од нив имаат нула стапка на данок. 

повеќе