КОНТРА КАДАР СКОПЈЕ

На дебатното кино ќе се дискутира за „најлошото веце во Шкотска“

Последната проекција на дебатното кино „Контра Кадар“ – Скопје за 2016 година ќе се одржи во „Кино Култура“ на 26 декември (понеделник), со почеток во 19.30 часот, со филмот „Треинспотинг“ (1996) и со отворена дискусија на тема „Најлошото веце во Шкотска“.

Култниот и неповторлив „Треинспотинг“ е еден од оние филмови што будат бројни емоции и тера да се прашаме за важноста на изборите што ги правиме во животот. Филмот ги прикажува рамно спакуваните, лесно достапни идеали на младите бунтовници. Оваа тотално некомформистичка порака беше лакомо проголтана од мејнстрим-популацијата во тогашното време. Влезот на проекцијата и дискусијата е бесплатен.

Дебатно кино „Контра кадар“ – Скопје е културна иницијатива што организира седмични филмски проекции по кои следува дискусија за прашањата што филмот ги загатнува. Филмот служи како референтна точка за дикскусиите, но заедничката рефлекција на отворените прашања е главната цел на седмичните собири, додека анализата на самиот филм е во втор план.

Филмската програма на „Контра кадар“ е жанровски, стилски и тематски хетерогена, а дебатниот формат не е фискен, иако има некакви контури кои ја гарантираат можноста за еднакво и целисходно учество во дискусијата на сите присутни. Цел на иницијативата е да одржува континуирана филмска и дебатна култура и да овозможи споделување на мислењата на што повеќе поедници по однос на привремено или постојано актуелните општествени теми.

Сега свесно или несвесно се оди во друг правец, сведувајќи ја  партијата  на ниво на  дебатен клуб.

повеќе

Најчести места каде што може да се препознае (и шири) говорот на омраза на интернет се всушност онлајн медиумите кои дозволуваат простор за коментирање.

повеќе

Веќе е јасно дека не треба да има никакво сомневање дека прислушуваните разговори треба да бидат прифатени како докази во постапките.

повеќе