Македонскиот филм „Кога денот немаше име“ се закити со уште две престижни награди

На штотуку завршениот 23. Фестивал на Авторски филм во Белград, македонскиот филм ја доби престижната награда на филмските критичари ФИПРЕСЦИ. Минатата недела, пак, на 11. издание на Мостарскиот Филмски Фестивал, специјализиран за глума, наградата за дебитанско остварување им беше доделена на актерскиот ансамбл од филмот „Кога денот немаше име“ во режија на Теона Стругар Митевска.

Во објаснувањето од страна на тричленото жири на белградскиот фестивал, во состав Томислав Гавриќ, др. Весна Периќ и Драган Јовановиќ, стои: „Македонско - словенечко - белгиската копродукција се одликува со сигурна режија, одлична работа на камерманот и компактна драматургија, кој наспроти цикличната структура на приказната, во која се знае крајот на самиот почеток, го вовлекува гледачот до самиот крај. Пред нас видовме дистописка, прецизна дијагноза на етнички и социјално раслоено општество, кое кореспондира со нестабилната реалност на Балканот.“

„Кога денот немаше име“ на Теона Стругар Митевска наиде на одличен прием во Белград и од страна на публиката и од страна на критичарите, каде добива и одличен осврт во „Политика“, каде долгогодишната филмска критичарка Дубравка Лакиќ го најавува излегувањето на филмот во кино салите во Србија.

Филмот продолжува да патува по светот. Во ноември беше прикажан на шест фестивали низ целиот свет, последниот во овој месец е во Каиро, Египет.

Филмот ја понесе и наградата на фестивалот на европски филм „Синеуропа“ во Лече, Италија, оваа пролет. На 6 декември започнува со кино дистрибуцијата во Белгија и Србија, а во Словенија кино прикажувањето во редовниот репертоар ќе започне од месец јануари. Кино дистрибуцијата во Југоисточна Азија и Кина е најавена за следната година, известија од „Продукција Митевски“.

Процесот на проверка не треба да почне од правосудниот систем, туку од извршните претставници и членовите на парламентот, и тоа не само оние кои се на власт денес, туку и оние кои со години ја водеа земјата.

повеќе

Литературните дејци отсекогаш биле предвесници на некое ново време. Немале натприродна моќ да ја предвидат иднината.

повеќе

Политичките раководства во Република Македонија мора да сфатат дека немаат комодитет да ги занемаруваат економските политики на сметка на политичките агенди.

повеќе